యువ హీరో వరుణ్ సందేశ్ భార్య, నటి వితిక షేరూ ఆత్మహత్యకు పాల్పడ్డారని, కుటుంబ కలహాల కారణంగానే ఆమె తీవ్ర నిర్ణయం తీసుకున్నారని నిన్న రాత్రి ప్రచారం జోరందుకుంది. అపస్మారక స్థితిలో ఉన్న వితికను ఆమె తల్లి ఆస్పత్రిలో జాయిన్ చేయించడంతోపాటు, వితిక ఆస్పత్రిలో చికిత్స పొందుతున్న ఫొటోలు కూడా బయటికి రావడంతో ప్రముఖ వార్త సంస్థలు సైతం ఇది ఆత్మహత్య ప్రయత్నమని స్పష్టం చేశాయి. టీవీ ఛానల్లో ఈ విషయాన్నీ తెలుసుకున్న వితిక ఒక్కసారిగా ఉలిక్కి పడ్డారు. వెంటనే ఈ వార్తలను ఆమె ఖండించారు. ‘నాపై వస్తున్న వార్తలన్నీ రూమర్. మేం సంతోషంగా ఉన్నాం. పుకార్లను నమ్మొద్దు’ అని వితిక ట్వీట్‌ చేశారు. గత ఏడాది ఆగస్టులో వరుణ్, వితికల పెళ్లి జరిగింది.
పెళ్లి తర్వాత కొన్నాళ్లు అమెరికాలో నివసించిన ఈ దంపతులు రీసెంట్ గా హైదరాబాద్ కి వచ్చారు. ఈ విషయంపై వితిక మీడియాతో మాట్లాడుతూ “నేను వరుణ్ చాలా సంతోషంగా ఉన్నాము. మా మధ్య ఎటువంటి గొడవలు లేవు. నాకు హైదరాబాద్ కి వచ్చినప్పటి నుంచి నిద్ర సరిగా పెట్టకపోవడంతో కొన్ని టాబ్లెట్స్ వేసుకున్నాను. ఆ డోస్ ఎక్కువకావడం వల్ల మా అమ్మ వచ్చి నిద్రలేపినా లేవలేక పోయాను. అందుకు ఆమె కంగారు పడి ఆస్పత్రికి తీసుకెళ్లారు. డాక్టర్లు స్టమక్ వాష్ చేశారు. ఇప్పుడు నేను బాగున్నాను. అసలు ఏమి జరిగిందో నన్ను, మా వాళ్ళను అడిగి తెలుసుకోకుండా ఇలా వార్తలను ప్రసారం చేయవద్దు” అని కోరారు.
Also, do SUBSCRIBE to our YouTube channel to get latest Tollywood updates.
