వరుణ్ తేజ్ నటించిన తాజా చిత్రం ‘గద్దలకొండ గణేష్’ ఈరోజు విడుదలైంది. నిన్న మొన్నటి వరకూ ‘వాల్మీకి’ గా ప్రమోట్ అయిన ఈ చిత్రం కొన్ని కారణాల వల్ల టైటిల్ మార్చుకుంది. ఇది పక్కన పెడితే… వరుణ్ తేజ్ మరో అజిత్ అవుతాడని కొందరు ప్రేక్షకులు ప్రశంసలు కురిపిస్తున్నారు. అసలు అజిత్ తో వరుణ్ ను పోల్చాల్సిన అవసరం ఏమొచ్చింది అనేగా మీ డౌట్. ఏమీ లేదండి అజిత్ కెరీర్ ప్రారంభంలో క్లాస్ సినిమాలు మాత్రమే చేశాడు కానీ అతనికి మాస్ ఫాలోయింగ్ ఓ రేంజ్లో వచ్చింది. ఇప్పుడు అతను కోలీవుడ్ లో తిరుగులేని స్టార్ హీరో.
ఎటువంటి పాత్రకైనా తన నటనతో ప్రాణం పోస్తాడు అని ప్రత్యేకంగా చెప్పనక్కర్లేదు. నెగిటివ్ షేడ్స్ ఉన్న పాత్రని కూడా చీల్చి చెండాడుతాడు. ఇక సరిగ్గా వరుణ్ కెరీర్ గ్రాఫ్ చూసుకున్నా.. సేమ్ అనిపిస్తుందంటూ కొందరు కామెంట్స్ చేస్తున్నారు. వరుణ్ కూడా మొదటి నుండీ క్లాస్ సినిమాలు, ప్రయోగాత్మక సినిమాలు, కామెడీ సినిమాలు మాత్రమే చేస్తూ వచ్చాడు. కానీ తాజాగా విడుదలైన ‘గద్దలకొండ గణేష్’ లో తన నట విశ్వరూపాన్ని చూపించాడు. నెగిటివ్ షేడ్స్ ఉన్న ఈ పాత్రకి వందకు వంద శాతం న్యాయం చేసాడు. అసలు ఈ పాత్ర సెలెక్ట్ చేసుకోవడం పెద్ద సాహసమనే చెప్పాలి. ఇక వరుణ్ డైలాగ్ డెలివరీ కూడా అదుర్స్ అనే చెప్పాలి. ఇక భవిష్యత్తులో వరుణ్ మరో అజిత్ అవుతాడు అనడంలో అతిశయోక్తి లేదు.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
