మెగా పవర్ స్టార్ రామ్ చరణ్ తేజ్ తమ్ముడు వరుణ్ తేజ్ పై ఫోకస్ పెట్టాడు. కొణిదెల ప్రొడక్షన్స్ స్థాపించి నిర్మాతగా మారి తండ్రితో ఖైదీ నంబర్ 150 మూవీ నిర్మించిన చెర్రీ, ఈ సారి తమ్ముడితో సినిమాని నిర్మించాలని భావిస్తున్నారు. ఎందుకని ఆరా తీస్తే అసలు విషయం బయటపడింది. ముకుంద, కంచె మూవీలతో నటుడిగా నిరూపించుకొని విజయాన్ని, అభినందనలు అందుకున్న మెగా ప్రిన్స్ .. ఆ తర్వాత చేసిన లోఫర్, మిస్టర్ తో ఓటమిని చూసాడు. దీంతో వరుణ్ చాలా కుంగిపోయాడంట. ఈ విషయం చరణ్ కి తెలియడంతో ఆలోచనలో పడ్డాడు. ఎలాగైనా తమ్ముడికి హిట్ సినిమా ఒకటి తీయాలని ఫిక్స్ అయ్యాడంట.
తనతో బాగా క్లోజ్ గా ఉన్న దర్శకులతో వరుణ్ కి మంచి కథని తీసుకు రమ్మని, ఎంత బడ్జెట్ అయినా తాను భరించడానికి సిద్ధంగా ఉన్నట్లు చెప్పాడని ఫిలిం నగర్ వాసులు చెప్పుకుంటున్నారు. పైగా నిర్మాతగా తన ఎంట్రీ బాగుండడంతో సినిమాని నిర్మించడానికి వెనుకాడడంలేదు. ప్రస్తుతం చరణ్ సుకుమార్ దర్శకత్వంలో నటిస్తూనే, చిరంజీవి 151 మూవీ ప్రీ ప్రొడక్షన్ పనులను చూసుకుంటున్నారు. శేఖర్ కమ్ముల డైరక్షన్లో వరుణ్ తేజ్ ఫిదా మూవీ చేస్తున్నారు. సో ఈ ప్రాజక్టుల తరవాత వరుణ్, చరణ్ మూవీ పట్టాలెక్కే అవకాశాలున్నాయి.
Also, do SUBSCRIBE to our YouTube channel to get latest Tollywood updates.
