తమిళనాట ఇటీవల విడుదలై ఘన విజయం సొంతం చేసుకొన్న “విక్రమ్ వేద” చిత్రాన్ని తెలుగులో రీమేక్ చేయనున్నారన్న విషయం తెలిసిందే. తొలుత ఈ సినిమా తెలుగు రీమేక్ లో వెంకటేష్-రాణాలు, నాగార్జున-బాలకృష్ణ ఇలా చాలా కాంబినేషన్స్ నటించనున్నారనే వార్తలు వినిపించినప్పటికీ.. తాజా సమాచారం ప్రకారం తెలుగు రీమేక్ లో వెంకటేష్ “వేద”గా నటించనున్నారని తెలుస్తోంది. సినిమాలో వేదాది పైకి నెగిటివ్ రోల్ లా కనిపించినా నిజానికి ఆ పాత్రది చాలా పాజిటివ్ రోల్. అందుకే ఆ పాత్ర పోషించడానికి వెంకీ ఇష్టపడుతున్నాడని, ఆల్రెడీ వెంకీతో “గురు” చిత్రాన్ని ప్రొడ్యూస్ చేసిన నిర్మాతల దగ్గరే “విక్రమ్ వేద” రీమేక్ రైట్స్ కూడా ఉండడంతో.. వెంకీ అడిగి మరీ ఈ రీమేక్ రైట్స్ ను తీసుకొన్నాడని సమాచారం. యాక్షన్ అండ్ డిక్షన్ కు కేరాఫ్ అడ్రెస్ లాంటి నారా రోహిత్ తో కలిసి “విక్రమ్ వేదా” తెలుగు రీమేక్ లో నటిస్తుండడంతో తెలుగులో రాబోయే క్రేజీయస్ట్ ప్రోజెక్ట్ గా సినిమా నిలవనుంది.
ఈ కాంబినేషన్ కనుక నిజమే అయితే వెంకీ అభిమానులతోపాటు తెలుగు సినిమా అభిమానులకు కూడా ఈ ఇది శుభవార్తే. ఎందుకంటే “విక్రమ్ వేద” సబ్జెక్ట్ అలాంటిది. సస్పెన్స్ థ్రిల్లర్ అయిన ఈ చిత్రం వెండితెరపై సృష్టించిన సునామీ అలాంటిది. సో, ఈ క్రేజీ కాంబినేషన్ సెట్స్ కు ఎప్పుడు వెళ్తుందో.. ఎప్పటికీ థియేటర్లలో దర్శనమిస్తుందో చూడాలి. ఈ చిత్రాన్ని సురేష్ ప్రొడక్షన్ నిర్మిచనుందని.. ఈ రీమేక్ కు వినాయక్ దర్శకత్వం వహించనున్నాడని సమాచారం.
