లవ్, యాక్షన్, సెంటిమెంట్ .. అన్ని జాన్రాలో తిరుగులేదని విక్టరీ వెంకటేష్ తన సినిమాల ద్వారా ఏనాడో నిరూపించారు. ఇప్పుడు మరో సారి యాక్షన్ కథతో పంచ్ లు ఇవ్వడానికి సిద్ధమయ్యారు. హిందీ, తమిళంలో బ్లాక్ బస్టర్‌ అయిన ‘సాలా ఖద్దూస్’ సినిమాను తెలుగులో ‘గురు’ పేరుతో రీమేక్ చేస్తున్నారు. ఇందులో వెంకటేష్ బాక్సింగ్ కోచ్ గా నటిస్తున్నారు. ఈ మూవీ ఒరిజినల్ వెర్షన్ కి దర్శకత్వం వహించిన సుధా కొంగర తెలుగు వెర్షన్ ను తెరకెక్కిస్తున్నారు. మాతృకలో బాక్సింగ్ స్టూడెంట్‌గా నటించిన రితికా సింగ్ ఈ సినిమాతో తెలుగులోనూ ఎంట్రీ ఇవ్వనుంది. వెంకీ పుట్టినరోజు సందర్భంగా ఈ రోజు ఉదయం గురు టీజర్ ని విడుదల చేశారు.
ఈవీడియోలో గురు వైజాక్ బీచ్ లో ఫుల్ జోష్ తో చిందేస్తూ హంగామా చేశారు. టైటిల్ తో ఫస్ట్ లుక్ విడుదల చేసినప్పుడు సీరియస్ మూవీ అనుకున్న అందరికీ ఈ టీజర్ రిలీఫ్ ఇచ్చింది. ఇందులో గురు సరదా కోణం కూడా ఉంటుందని నమ్మకం కలిగింది. ముఖ్యంగా వెంకీ సాల్ట్ అండ్ పెప్పర్ లుక్ ఆకట్టుకుంది. సంగీత దర్శకుడు సంతోష్ నారాయణ్ కంపోజ్ చేసిన “జిగిడ జిగిడ” అనే మ్యూజిక్ బీట్ కి వెంకటేష్ వేసిన స్టెప్పులు ఫ్యాన్స్ కి ఆనందం కలిగించింది. ఈ 39 సెకన్ల టీజర్ సినిమాపై అంచనాలను పెంచింది. వై నాట్ స్టూడియో బ్యానర్లో శశికాంత్ నిర్మిస్తున్న ఈ మూవీ వచ్చే ఏడాది జనవరిలో విడుదల కానుంది.
Also, do SUBSCRIBE to our YouTube channel to get latest Tollywood updates.
