విజయ్ దేవరకొండ మెలమెల్లగా తన పంధాను మార్చుకుంటున్నట్లున్నాడు. నిన్నమొన్నటివరకూ మాస్ లేదా కొత్త డైరెక్టర్స్ తో సినిమాలు చేస్తూ వచ్చిన విజయ్ ఇప్పుడు వరుసబెట్టి క్లాస్ డైరెక్టర్స్ తో సినిమాలు చేయడానికి సన్నాహాలు చేసుకొంటున్నాడు. “ఓనమాలు, మళ్ళీ మళ్ళీ ఇది రాని రోజు” లాంటి క్లాసిక్స్ తీసిన క్రాంతి మాధవ్ దర్శకత్వంలో ఆల్రెడీ ఒక సినిమా సైన్ చేసిన విజయ్ దేవరకొండ. అదే తరహాలో “తొలిప్రేమ” లాంటి డీసెంట్ హిట్ కొట్టి రేపు విడుదలవుతున్న “మిస్టర్ మజ్ను” రిజల్ట్ కోసం వెయిట్ చేస్తున్న వెంకీ అట్లూరి ఇటీవల విజయ్ దేవరకొండకి ఒక మంచి ప్రేమకథను చెప్పాడట. తాను రెగ్యులర్ గా చేసే సినిమాలకు భిన్నంగా ఉండడంతోపాటు.. తనను కొత్తగా ప్రెజంట్ చేసే అవకాశం ఉండడంతో ఆ సినిమా ఒప్పుకొన్నాడట విజయ్ దేవరకొండ.
ప్రస్తుతం “డియర్ కామ్రేడ్” షూట్ లో బిజీగా ఉన్న విజయ్.. ఆ సినిమా పూర్తయిన తర్వాత క్రాంతి మాధవ్ & వెంకీ అట్లూరి సినిమాలను ఒకేసారి మొదలెట్టానున్నాడు విజయ్ దేవరకొండ. రెండు ఒకేతరహా సినిమాలు కావడంతో పెద్దగా ఛేంజోవర్స్ కూడా అవసరం లేదు కాబట్టి ఈ నిర్ణయం తీసుకొన్నట్లున్నాడు విజయ్. మరి హార్డ్ కోర్ లవర్ గా భీభత్సమైన ఇమేజ్ సొంతం చేసుకొన్న విజయ్ ఈ సాఫ్ట్ కోర్ లవ్ స్టోరీస్ లో తనను ఇలా ఇముడ్చుకుంటాడో చూడాలి.
