రియల్ లైఫ్ మామ-మేనల్లుళ్ళు దగ్గుబాటి వెంకటేష్, అక్కినేని నాగచైతన్యలు రీల్ లైఫ్ లో మామ-అల్లుళ్లుగా నటించిన చిత్రం “వెంకీ మామ”. బాబీ దర్శకత్వంలో తెరకెక్కిన ఈ చిత్రంలో వెంకీ సరసన పాయల్ రాజ్ పుత్, నాగచైతన్య సరసన రాశీఖన్నాలు హీరోయిన్లుగా నటిస్తున్న ఈ చిత్రాన్ని డిసెంబర్ 13న ప్రపంచవ్యాప్తంగా విడుదల చేయనుండగా.. ఇవాళ ప్రీరిలీజ్ ఈవెంట్ లో ఈ చిత్రం ట్రైలర్ ను విడుదల చేశారు.
వెంకీ మామ అంటే కేవలం కామెడీ అనుకున్నవాళ్లందరికీ.. సినిమాలో మంచి ఎమోషనల్ కంటెంట్ కూడా ఉండబోతోందని దర్శకుడు బాణీ ట్రైలర్ తో క్లారిటీ ఇచ్చాడు. సినిమాలో జాతకాలు అనే అంశం కీలకపాత్ర పోషించబోతున్నట్లు కూడా తెలుస్తోంది. “ఎఫ్ 2” అనంతరం వెంకటేష్, “మజిలీ” అనంతరం నాగచైతన్య ఫుల్ జోష్ & ఫామ్ లో ఉండడం.. టైటిల్, టీజర్ & ట్రైలర్ కి విశేషమైన రెస్పాన్స్ వస్తుండడంతో.. “వెంకీ మామ”పై మంచి అంచనాలున్నాయి. మరి మామ అల్లుళ్లు ఏ రేంజ్ లో నవ్వించనున్నారో? ఎమోషనల్ గా ఏ స్థాయిలో కనెక్ట్ చేయనున్నారో తెలియాలంటే డిసెంబర్ 13 వరకూ ఆగాల్సిందే. ఇకపోతే.. మాస్ ఆడియన్స్ కోసం పాయల్, రాశీ పాపల అందాలు కూడా కాస్త గట్టిగానే గుమ్మరించినట్లున్నాడు దర్శకుడు బాబీ.
