ప్రభాస్ నటిస్తున్న తాజా చిత్రం ‘సాహో’. సుజిత్ దర్శకత్వంలో తెరకెక్కుతున్న ఈ చిత్రంలో ప్రభాస్ రోల్ ఏమిటనే విషయంలో ఇంకా క్లారిటీ లేకపోయినప్పటికీ.. ఆ సినిమాలో మరో ముఖ్యపాత్ర పోషిస్తున్న వెన్నెల కిషోర్ రోల్ ఏమిటనే విషయంలో మాత్రం క్లారిటీ వచ్చింది. ఈ సినిమాలో వెన్నెల కిషోర్ ఓ సీరియస్ పోలీస్ ఆఫీసర్ గా కనిపిస్తాడట. అయితే.. కిషోర్ సీరియస్ గా ఉన్నా అతని పాత్ర మాత్రం కావాల్సినంత హాస్యం పండిస్తుందని వినికిడి. ఆల్రెడీ వెన్నల కిషోర్ పార్ట్ షూటింగ్ కూడా అయిపోయిందట. ప్రభాస్-వెన్నెల కిషోర్ కాంబినేషన్ సీన్స్ హిందీ సూపర్ హిట్ ఫిలిమ్ ధూమ్ సిరీస్ లో అలీ-హృతిక్ రోషన్ కాంబినేషన్ సీన్స్ ను తలపిస్తాయట.
ఇకపోతే.. శ్రద్ధకపూర్ షెడ్యూల్ పాటలు మినహా పూర్తయ్యిందట. నెక్స్ట్ మూవీ యూనిట్ మొత్తం దుబాయ్ వెళ్లనున్నారు. అక్కడ ప్రభాస్ పై కొన్ని యాక్షన్ సీన్స్ తోపాటు ప్రభాస్ మరియు విలన్ నీల్ నితిన్ పై కూడా కీలక సన్నివేశాల చిత్రీకరణ సాగనుంది. ఇకపోతే.. సాహో చిత్రాన్ని ప్రభాస్ పుట్టినరోజును పురస్కరించుకొని 2018 అక్టోబర్ 23న విడుదల చేయనున్నారు.
