ఒక్కో దర్శకుడు ఒక్కో రకం సినిమాలు తీయడం సిద్ధహస్తులు. రకరకాల జోనర్లలో సినిమాలు తీసినా, ఓ జోనర్ వారికి బాగా నప్పుతుంది. అందులో సినిమా చేస్తే విజయం, వసూళ్లు, పురస్కరాలు కూడా వచ్చేస్తుంటాయి. అలా ప్రముఖ తమిళ దర్శకుడు వెట్రిమారన్కి ఓ జోనర్ ఉంది. ఇక్కడ జోనర్ అని అనలేం కానీ.. కథా వస్తువుకు మూలం అని అనొచ్చు. అదే నవలలు, కథలు. వీటి నుండి ఆయన ఓ సినిమా పట్టుకున్నారు అంటే విజయం పక్కా అని చెప్పేయొచ్చు. తమిళనాట అందుకే ఆయనను నవలా దర్శకుడు అని కూడా అంటుంటారు.
ఇప్పుడు ధనుష్తో ‘తమిళ మురుగన్’ అనే సినిమాను ఆయన అనౌన్స్ చేయడంతో మరోసారి తన సినిమా కథా వస్తువుల గురించి పెద్ద ఎత్తున చర్చ నడుస్తోంది. ఇప్పటివరకు ఆయన చేసిన సినిమాలు, వాటి మూలాలు ఏంటి అనే చర్చ మొదలుపెట్టారు. అలా చూస్తే ‘వాడివాసల్’ నుండి మొదలు పెట్టాలి. ఈ సినిమా సీఎఎస్ చల్లప్ప అనే రచయిత రాసిన నవల ఆధరంగా తెరకెక్కించారు. జల్లికట్లు చుట్టూ తిరిగే ఈ కథలో తండ్రీ కొడుకుల ఎమోషన్ అదిరిపోతుంది.
ఎం. చంద్రకుమార్ రాసిన ‘లాకప్’ అనే పుస్తకం ఆధారంగా ‘విసరణై’ తెరకెక్కించారు. కస్టోడియల్ టార్చర్ అనే అంశం చుట్టూ ఈ కథ నడుస్తుంది. పూమణి రచించిన ‘వేక్కై’ అనే నవల ఆధారంగా ‘అసురన్’ అనే సినిమా రూపొందించారు. కులం, పగ, న్యాయం అనే అంశాల చుట్టూ ఈ సినిమా ఉంటుంది. ‘విడుదలై’ సినిమాను మక్కల్ తునైయోడు మరణతై వెండ్రన్ ఆధారంగా సిద్ధం ఏశారు. ఇది రచయిత వ్యక్తిగత జీవితం నుండి వచ్చిన కథ.
ఇక ఇప్పుడు ధనుష్తో అనౌన్స్ చేసి ‘తమిళ మురుగన్’ సినిమాను ‘అరివుమతి’ అనే పుస్తకం ఆధారంగా రూపొందుతుంది. మురుగన్ దేవుడి నేపథ్యంలో ఈ సినిమా ఉంటుంది. తమిళ సంస్కృతి, సాంప్రదాయాలు, నేపథ్యంతో ఈ సినిమా కథాంశం ముడిపడి ఉంటుంది. ఆ మధ్య ‘దేవర’ సినిమా ప్రచారంలో భాగంగా ఎన్టీఆర్.. ‘వెట్రిమారన్ సర్.. నాతో ఓ తమిళ సినిమా చేయండి’ అని అడిగిన విషయం తెలిసిందే.
