బాలీవుడ్ బొద్దుగుమ్మ విద్యాబాలన్ ను మన సౌత్ సినిమా ఫార్మాట్ తెగ నచ్చేసినట్లుంది. ఆల్రెడీ ఎన్టీఆర్ కథానాయకుడు, ఎన్టీఆర్ మహానాయకుడు చిత్రాల్లో నందమూరి తారకరామారావు సతీమణి బసవతారకం పాత్ర పోషించిన విద్యాబాలన్ ఆ సినిమా విడుదలకు ముందే మరో సౌత్ సినిమా సైన్ చేసిందని సమాచారం. అజిత్ ప్రధాన పాత్రలో తమిళంలో తెరకెక్కుతున్న బాలీవుడ్ హిట్ సినిమా పింక్ రీమేక్ లో అమితాబ్ పాత్రను అజిత్ పోషిస్తున్న విషయం తెలిసిందే. తాప్సీ పాత్రలో మలయాళ బ్యూటీ నజ్రియా నటించనుండగా.. “ఖాకీ” ఫేమ్ వినోద్ దర్శకత్వం వహిస్తున్నారు.
“పింక్” రీమేక్ కు తమిళ నేటివిటీకి తగ్గట్లు చాలా మార్పులు చేశారట. అందులో భాగంగా విద్యాబాలన్ క్యారెక్టర్ ను కొత్తగా చేర్చారు. మొదట ఈ పాత్రను వేరే ఎవరిచేతనైనా చేయించాలి అనుకొన్నప్పటికీ.. నిర్మాత బోణీకపూర్ కి ఉన్న కాంటాక్ట్స్ తో విద్యాబాలన్ ను రోప్ ఇన్ చేసుకొన్నారు. బేసిగ్గా సౌత్ ఇండియన్ అయిన విద్యాబాలన్ చాన్నాళ్ల తర్వాత సౌత్ లో వరుస సినిమా చేస్తుండడం మాత్రం గమనార్హం.
