సాధారణంగా సినిమాల్లో ఎవరైనా సీనియర్ మోస్ట్ ఆర్టిస్ట్ సదరు పాత్రను అద్భుతంగా పోషిస్తే.. సదరు ఆర్టిస్ట్ పాత్ర బరువును పెంచారు అని అప్పుడప్పుడూ రివ్యూల్లో చదువుతూ ఉంటాం. కానీ.. పాత్ర కోసం బరువు పెరిగిన కథానాయికని చూసారా?. మన తెలుగు, తమిళ, హిందీ, మలయాళ చిత్రసీమల్లో హీరోహీరోయిన్లు, క్యారెక్టర్ ఆర్టిస్టులు బోలెడంత మంది ఉన్నప్పటికీ.. మెథడ్ యాక్టర్ మాత్రం చాలా తక్కువ అనే చెప్పాలి. కమల్ హాసన్ తప్ప ఈ జనరేషన్ లో ఆ తరహా ఆర్టిస్టులు చాలా తక్కువ. అయితే.. ఆ లోటుని భర్తీ చేసేందుకు విద్యాబాలన్ ముందుకు వస్తోంది.
దివంగత తమిళనాడు ముఖ్యమంత్రి జయలలిత బయోపిక్ లో విద్యాబాలన్ టైటిల్ పాత్ర పోషిస్తున్న విషయం తెలిసిందే. జయలలిత హీరోయిన్ గా కెరీర్ ప్రారంభించడం మొదలుకొని రాజకీయ శక్తిగా ఎదిగేవరకూ ఈమె పాత్రను తెరకెక్కించనున్నారు. అందులో భాగంగా హీరోయిన్ గా ఉన్నప్పుడు ఆమె బొద్దుగా ఎలా ఉండేవారో విద్యాబాలన్ ప్రస్తుతం అలానే ఉంది. అయితే.. రాజకీయాల్లోకి వచ్చిన అనంతరం లావెక్కిన జయలలితలా కనిపించడం కోసం విద్యాబాలన్ బరువు పెరుగుతోందట. కాస్త ప్రోస్తేటిక్ మేకప్ వేస్తే విద్యాబాలన్ అచ్చుగుద్దినట్లు జయలలితలా ఉంటుందట
