మలయాళ బ్యూటీ నయనతార ఆనందంలో ఉంది. యువ డైరక్టర్ విగ్నేష్ తో కలిసి ప్రేమ యాత్రలు చేస్తోంది. నయనతార బ‌ర్త్‌డేని సెల‌బ్రేట్ చేసుకునేందుకు ఇటీవల వీరిద్ద‌రూ న్యూయార్క్ వెళ్లి ఎంజాయ్ చేశారు. తాజాగా విగ్నేష్ బ‌ర్త్‌డే కోసం అమృత్‌స‌ర్ వెళ్లారు. అక్క‌డ గోల్డెన్ టెంపుల్‌ని ద‌ర్శించుకొన్నారు. అలాగే అందమైన ప్రాంతాల్లో విహరిస్తున్నారు. అలా వారు విహరిస్తున్న ఫోటోలు సోషల్ మీడియాలో చక్కర్లు కొడుతున్నాయి. వాటిని చూసిన అభిమానులు.. ప్రేమ యాత్రలు బాగానే ఉన్నాయి.. పెళ్లి ఎప్పుడని ? ప్రశ్నిస్తున్నారు. ఆ ప్రశ్నకి మాత్రం నయన సమాధానం చెప్పలేదు. విఘ్నేష్ ని అడిగితే సమాధానం చెప్పకుండా ఏదేదో చెబుతున్నారు. “నయనతారతో ప్రస్తుతం చాలా సంతోషకరమైన సమయాన్ని గడుపుతున్నాను.
ఆమెను కలవడం అదృష్టంగా భావిస్తున్నా. నయన జీవితంలో ఎదుర్కొన్న సమస్యలు మామూలు సమస్యలు కాదు. వాటన్నింటికి ధైర్యంగా నిలిచి ఆమె పోరాడారు. ఒక వ్యక్తిగా నయన్ నాకు ఆదర్శనీయం ” అంటూ ప్రియురాలిని అభినందించారు. చివరగా పెళ్లి గురించి ప్రస్తావిస్తూ.. ” పెళ్లి విషయం నాకు తెలియదు. ముందు నయన్ ను అడగాలి. ఆ తర్వాత మా అమ్మ అనుమతి కూడా తీసుకోవాలి. అప్పుడు పెళ్లి గురించి మీరు అడుగుతున్న ప్రశ్నలకు సమాధానం చెబుతాను” అని వివరించారు. పెళ్లి గురించి ఆలోచించకుండానే… ఇలా విహరిస్తున్నారా?.. డైరక్టర్ మాకు చెవులో పూలు బాగానే పెడుతున్నావు.. అంటూ నెటిజనులు బాహాటంగానే విగ్నేష్ ని విమర్శిస్తున్నారు.
