సినీ రంగంలో నంబర్ గేమ్ నడుస్తుంటుంది. విజయాలను బట్టి హీరో, హీరోయిన్, డైరక్టర్స్ స్థానాల్లో మార్పు సహజంగానే జరుగుతుంటుంది. ఈ మధ్య కాలంలో విజయ్ దేవరకొండ రాకెట్ కాంట్ వేగంగా దూసుకుపోతున్నారు. అర్జున్ రెడ్డి సినిమాతో ఎనలేని క్రేజ్ సంపాదించుకున్న ఈ యువ హీరో.. తాజాగా గీతగోవిందం చిత్రంతో మరింత క్రేజ్ సంపాదించుకున్నారు. ఈ మూవీ మూడు రోజుల్లో 37.45 కోట్ల గ్రాస్ రాబట్టింది. శని, ఆదివారాల్లో 50 కోట్ల గ్రాస్ ని క్రాస్ చేయనుందని ట్రేడ్ వర్గాలవారు తెలిపారు. ఆలా జరిగిందంటే స్టార్ హీరో స్థాయి అందుకున్నట్టే. అయితే అతని విజయం వల్ల ఇద్దరు హీరోలు ప్రధానంగా దెబ్బతినే అవకాశాలున్నాయని సినీ విశ్లేషకులు చెబుతున్నారు. వారిలో మొదటి హీరో నితిన్. ఇతను తెలంగాణ మెగాస్టార్ గా పేరు తెచ్చుకున్నారు.
నైజాంలో నితిన్ సినిమాకి భారీ కలక్షన్స్ వస్తాయి. తాజాగా అతను నటించిన “శ్రీనివాస కళ్యాణం”.. గీత గోవిందం రాకముందు వరకు స్టడీగానే కలక్షన్స్ రాబట్టింది. విజయ్ సినిమా రావడంతో నిల్ అయిపోయింది. సో విజయ్ ఎఫెక్ట్ స్పష్టంగా తెలుస్తోంది. విజయ్ వల్ల దెబ్బ తినే మరో హీరో ఎవరంటే నాని అంటున్నారు. ఎందుకంటే నాని పక్కింటి కుర్రోడి లా పేరు దక్కించుకున్నారు. సహజమైన కథలను ఎంచుకుని హిట్స్ అందుకున్నారు. ఆ స్థానాన్ని విజయ్ ఆక్రమించారని గీత గోవిందం చూసిన సినీ విశ్లేషకులు వెల్లడించారు. ఈ లెక్కలు విజయ్ “టాక్సీ వాలా” రిలీజ్ అయిన తర్వాత మారే అవకాశం లేకపోలేదని అంటున్నారు.
