నిన్నమొన్నటివరకూ ఇండస్ట్రీ ఇన్సైడ్ వర్గాల్లోనూ, ఫిలిమ్ నగర్ వర్గాల్లోనూ చిన్న చర్చ లేదా రూమర్ ఉండేది. ఏంటంటే.. విజయ్ దేవరకొండ ఎదుగుదల అల్లు అర్జున్ కి మింగుడుపడడం లేదని కొన్ని వార్తలు, గుసగుసలు వినిపించాయి. ఈ అపవాదు నుంచి బయటపడాలనే విజయ్ కి అల్లు అర్జున్ “గీత గోవిందం” సక్సెస్ పార్టీ ఇచ్చాడని చెప్పుకొన్నారు. కానీ.. నిన్న జరిగిన “టాక్సీ వాలా” ప్రీరిలీజ్ ఈవెంట్ కి అల్లు అర్జున్ ముఖ్య అతిధిగా రావడమే కాక “విజయ్ ద‌గ్గ‌ర ఒరిజినాలిటీ ఉంటుంది.
అది జ‌నాల‌కి న‌చ్చింది. విజయ్ ఈజ్ ఫెంటాస్టిక్ పెర్ఫార్మ‌ర్. మేమంద‌రం ఒక గోల్డెన్ ప్లేట్ నుంచి వ‌చ్చాం. త‌ను ఎవ‌డేసుబ్ర‌మ‌ణ్యం నుంచి స్టెప్ బై స్టెప్ చాలా క‌ష్ట‌ప‌డుతూ ఎదుగుతూ వ‌చ్చారు. నేను ఎంత పెద్ద యాక్ట‌ర్ అయినా కావొచ్చుకాని ఐ నెవ‌ర్ మేడ్ సెల్ఫ్‌. త‌ను చెక్కుకున్న శిల్పం త‌ను. నేను టాలెంట్ ఉన్న‌వాళ్ళ‌మీద జోక్స్ వెయ్య‌లేను. ఇష్ట‌ముండ‌దు. సొసైటీలో ఎంత ఎదిగితే అంత నెగిటివిటీ కూడా ఒక్కోసారి వ‌స్తుంది.విజయ్ నువ్ అవేమి ప‌ట్టించుకోవ‌ద్దు. ఐ రియాల్లీ ఎంజాయ్ యువ‌ర్ సక్సెస్” అని మెచ్చుకోవడంతో అప్పటివరకూ అల్లు అర్జున్ మీద ఉన్న అనుమానాలన్నీ పటాపంచలు అయిపోయాయి.
