మొదట్లో టాలీవుడ్, బాలీవుడ్, మాలీవుడ్ ఇలా ఏ ఇండస్ట్రీకి చెందిన హీరోయిన్ ను “మీ ఫేవరెట్ హీరో ఎవరు లేదా మీరు ఎవరితో యాక్ట్ చేయాలి అనుకుంటున్నారు?” అని అడిగితే మరో ఆలోచన లేకుండా ఇమ్మీడియట్ గా “మహేష్ బాబు” అని ఆన్సర్ ఇచ్చేవారు. అందుకే మహేష్ బాబుని ముద్దుగా కలల రాకుమారుడు అనేవారు. ఇప్పుడు మహేష్ బాబు సీనియర్ హీరో అయిపోవడంతో.. ఆస్థానాన్ని మెలమెల్లగా విజయ్ దేవరకొండ భర్తీ చేస్తున్నాడనిపిస్తుంది. ఈమధ్యకాలంలో విజయ్ దేవరకొండ అందరికీ డ్రీమ్ బోయ్ కమ్ ఫేవరెట్ హీరో అయిపోయాడు. బాలీవుడ్ హీరోయిన్స్ మాత్రమే కాదు తమిళ, మలయాళ ముద్దుగుమ్మలు కూడా “ఐ లవ్ విజయ్” అంటున్నారు.
దాంతో.. ఇండస్ట్రీలో చాలామంది నెక్స్ట్ సూపర్ స్టార్ విజయ్ దేవరకొండ అంటున్నారు. విజయ్ దేవరకొండ మార్కెట్ పరిధిని కూడా దృష్టిలో పెట్టుకొనే ఇలా అంటున్నారు ట్రేడ్ వర్గాలు. మరి ఈ కంపేరిజన్ కి తగ్గట్లుగా విజయ్ దేవరకొండ తన కెరీర్ ను ప్లాన్ చేసుకోంటాడో లేక ఎప్పట్లానే తన కంగారు డెసిషన్స్ కారణంగా కరాబు చేసుకొంటాడో చూడాలి. కానీ.. విజయ్ ని ఏకంగా మహేష్ బాబుతో కంపర్ చేయడం అనేది ఒక హీరోగా అతను సాధించిన ఘనతల్లో ఒకటిగా చెప్పుకోవచ్చు.
