విజయం చూసేందుకు, వినేందుకు చాలా బాగానే ఉంటుంది. దానిని మోసే వారికే ఆ బరువు తెలుస్తుంది. విజయాన్ని పొందడానికి ఎంత కష్టపడాల్సి ఉంటుందో.. దానిని నిలుపుకోవడానికి, దానితో పాటు వచ్చే పరువు ప్రతిష్టలను కాపాడుకోవడానికి అంతే కష్టపడాల్సి ఉంటుంది. ప్రస్తుతం రెండో దశలోనే విజయ్ దేవరకొండ ఉన్నారు. అతను నటించిన పెళ్లి చూపులు… అర్జున్ రెడ్డి.. గీత గోవిందం సినిమాలు ఊహించని విజయాన్ని అందుకున్నాయి. ఒకదాని తర్వాత ఒక విజయం.. ఒకదానికి మించి మరొకటి కోట్ల వర్షం అనేది సామాన్యమైన విషయం కాదు. వరుస ఆఫర్లు.. తొందరగా కంప్లీట్ చేయాలనీ ఒత్తిళ్లు.. దీంతో విజయ్ దేవరకొండ విసిగిపోయారు. ప్రస్తుతం “నోట” అనే ద్వి భాష చిత్రాన్ని చేస్తున్నారు.
అంతేకాకుండా భరత్ కమ్మ డైరెక్షన్‌లో “డియర్ కామ్రేడ్” అనే మూవీలోను నటిస్తున్నారు. మొన్నటి వరకు గీత గోవిందం ప్రమోషన్లో అన్ని స్టూడియోలను చుట్టేశారు. రెస్ట్ తీసుకోకుండా రెండు సినిమాలకు డేట్స్ కేటాయించారు. ఈ బిజీ షెడ్యూల్స్ వలన విసుగొచ్చేసిందంట. అందుకే బ్రేక్ కోరుకుంటున్నారని తెలిసింది. విజయ్ త్వరలో యూరప్ యాత్రకు వెళుతున్నట్లు ఫిలిం నగర్ వాసులు చెప్పారు.10 రోజుల పాటు ఉండనున్న ఈ టూర్లో ఆయన ఫోన్ కూడ ఆఫ్ చేసి ప్రశాంతంగా గడపాలని భావిస్తున్నాడట. అలా ఒత్తిడిని అంతటిని పోగొట్టుకొని కొత్త ఉత్తేజంతో షూటింగ్స్ లలో పాల్గొననున్నారు.
