“అర్జున్ రెడ్డి” క్యారెక్టర్ లో పరకాయ ప్రవేశం చేసి రిలీజ్ తర్వాత కూడా అదే యాటిట్యూడ్ ను మెయింటైన్ చేస్తూ సంచలనాలు సృష్టిస్తున్న విజయ్ దేవరకొండకి ఉన్న ఒన్ ఆఫ్ ది బిగ్గెస్ట్ ఎస్సెట్ “తెలంగాణ యాస”. అతడి పవర్ ఫుల్ టోన్ తో తెలంగాణ యాసలో డైలాగులు చెబుతుంటే ఆంధ్రా అమ్మాయిలు కూడా ఫిదా అయిపోయారు. ఇక తెలంగాణ భామల గురించి ప్రత్యేకించి చెప్పాలా. అయితే.. ఒక నటుడిగా వేషంలో మాత్రమే కాక భాషలోనే వేరియేషన్ చూపించాలని ఫిక్స్ అయిపోయిన విజయ్ దేవరకొండ.. తన తదుపరి చిత్రంలో ఆంధ్రా అబ్బాయిగా నటించేందుకు సన్నద్ధమవుతున్నాడు.
భారత్ కమ్మ అనే యువ దర్శకుడు తెరకెక్కిస్తున్న “కామ్రేడ్”లో విజయ్ కాకినాడ కుర్రాడిగా కనిపించనున్నాడు. సో, పాత్రకి తగ్గట్లుగా పక్కా ఆంధ్రా యాసలో అలరించేందుకు అన్నీ విధాలా రెడీ అవుతున్నాడట. షూటింగ్ త్వరలో మొదలుకానుండడంతో తన ఆంధ్ర స్నేహితులతో పక్కా ఆంధ్రా యాసలో మాట్లాడుతూ ప్రాక్టీస్ చేస్తున్నాడట. ఇంతలా ప్రాక్టీస్ చేయడానికి కారణం కూడా లేకపోలేదు.. “మహానటి” సినిమాలో విజయ్ దేవరకొండ పెర్ఫార్మెన్స్ కి నెగిటివ్ ఫీడ్ బ్యాక్ ఎక్కువగా వచ్చింది. అందుకే కాస్త గట్టిగా ప్రాక్టీస్ చేస్తున్నాడు. మనోడు నటించిన “గీత గోవిందం” ఈనెల 15వ తారీఖున విడుదలకు సిద్ధమవుతోంది.
