కాకినాడలో విజయ్ దేవరకొండ పనైపోయింది..!

‘టాక్సీవాలా’ లాంటి బ్లాక్ బస్టర్ అందుకున్న తర్వాత విజయ్ దేవరకొండ నటిస్తున్న చిత్రం ‘డియర్ కామ్రేడ్’. మైత్రీ మూవీ మేకర్స్, బిగ్‌బెన్ బ్యానర్స్ సంయుక్తంగా నిర్మిస్తున్న ఈ చిత్రానికి భరత్ కమ్మ దర్శకత్వం వహిస్తున్నాడు. ‘గీత గోవిందం’ తరువాత మరోసారి విజయ్ దేవరకొండతో రష్మిక మందన్న జతకడుతుంది. తమిళ్ మ్యూజిక్ డైరెక్టర్ జస్టిన్ ప్రభాకరన్ ఈ చిత్రానికి సంగీతం అందిస్తున్నాడు.

గత కొంత కాలంగా కాకినాడలో షూటింగ్ జరుపుకుంది. ఈ చిత్రంలో విజయ్ దేవరకొండ మెడికల్ స్టూడెంట్ గా కనిపించబోతున్నాడు. అందువలన కాకినాడ కాలేజ్ లోను .. ఆ పరిసర ప్రాంతాల్లో షూటింగ్ చేస్తూ వచ్చినట్టు తెలుస్తోంది. తాజాగా ఈ షెడ్యూల్ మొత్తం పూర్తయ్యిందట. ఇక విజయ్ – రష్మిక మధ్య చిత్రీకరించిన సీన్స్ చాలా బాగా వచ్చాయని సమాచారం. సమ్మర్ కానుకగా మే నెల రెండవ వారంలో ‘డియర్ కామ్రేడ్’ ను విడుదల చేయాలని చిత్ర యూనిట్ ప్లాన్ చేస్తుందట.

dear comrade

Read Today's Latest Featured Stories Update. Get Filmy News LIVE Updates on FilmyFocus