మెగా ఫ్యామిలీ నుంచి వచ్చిన తొలి నటి నిహారిక.. తమిళంలోనూ అడుగుపెడుతోంది. ఆర్ముగకుమార్‌ స్వీయ దర్శకత్వంలో తెరకెక్కిన ‘ఒరు నల్ల నాళ్‌ పాత్తు సొల్రేన్‌’ చిత్రంతో అదృష్టాన్ని పరీక్షించుకోబోతోంది. గాయత్రి అనే మరో నటితో కలిసి స్క్రీన్ షేర్ చేసుకున్న ఈ సినిమా వచ్చేనెల 2 న రిలీజ్ కానుంది. ఈ సందర్భంగా నిహారిక మాట్లాడుతూ..” విజయ్‌సేతుపతి, గౌతమ్‌ కార్తీక్‌ వంటి సక్సెస్‌ఫుల్‌ హీరోలతో కలిసి నటించే అవకాశం రావడం సంతోషం. నాకు తమిళ భాష తెలియకపోయినా, దర్శకుడు, హీరోలిద్దరూ ఎంతగానో సహకరించారు. దీంతో కొత్తనటిననే ఫీలింగే కలగలేదు” అని చెప్పారు.
ఈ సందర్భంలోనే హీరో విజయ్‌సేతుపతి తనపై వచ్చిన ప్రేమ వార్తలపై స్పందించారు. విజయ్‌సేతుపతి నటి గాయత్రికి సిఫారసు చేస్తున్నారనే ప్రచారంపై ఆయన మాట్లాడారు. గాయత్రి తనకెప్పుడూ స్పెషలేనని అన్నారు. మంచి ప్రతిభ, తెలివి ఉన్న నటి అని పేర్కొన్నారు. ఈ ఏడాది గాయత్రికి బాగుంటుందని భావిస్తున్నానన్నారు. డైరక్టర్, నిర్మాత ఆర్ముగకుమార్‌ గురించి మాట్లాడుతూ “నాకు ఆర్ముగకుమార్‌ చాలా కాలంగా తెలుసు. వర్ణం చిత్రంలో నేను నటించడానికి కారణం అతనే. ఈ చిత్రాన్ని దర్శకుడు చాలా ప్లాన్‌గా అనుభవం ఉన్న దర్శకుడిలా తెరకెక్కించారు. చిత్రం ఆద్యంతం వినోదాన్ని అందించే విధంగా ఉంటుంది” అని విజయ్‌సేతుపతి వివరించారు.
