దర్శకుడిగా విక్రమ్ కుమార్ ప్రతిభ గురించి ప్రత్యేకంగా చెప్పాల్సిన అవసరం లేదు. ఆయన పరిచయ చిత్రం ‘ఇష్టం’ మొదలుకొని ’12బి, మనం, 24′ చిత్రాలు ఆయన గురించి మాట్లాడతాయి. అందుకే ప్రతి ఒక్క కథానాయకుడు ఆయనతో సినిమా చేయాలని ఆరాటపడితే.. హీరోయిన్స్ ను కేవలం గ్లామర్ కోసం కాక పద్ధతిగా కథలో భాగం చేయడంలోనూ సిద్ధహస్తుడైన విక్రమ్ కుమార్ దర్శకత్వంలో నటించడం కోసం స్టార్ హీరోయిన్లు కూడా ఆసక్తి కనబరుస్తుంటారు. డిసెంబర్ 22న విక్రమ్ కుమార్ “హలో” అంటూ పలకరించనున్నాడు. “మనం” తర్వాత అక్కినేని నాగార్జునతో కలిసి అన్నపూర్ణ స్టూడియోస్ బ్యానర్ లో విక్రమ్ కుమార్ తెరకెక్కించిన రెండో సినిమా ఇది.
అయితే.. విక్రమ్ కుమార్ పనితనానికి విపరీతంగా ఇంప్రెస్ అయిన నాగార్జున అతడి దర్శకత్వంలో మరో సినిమా చేసేందుకు సన్నద్ధమవుతున్నాడు. విశ్వసనీయ వర్గాల సమాచారం ప్రకారం అన్నపూర్ణ స్టూడియోస్ పతాకంపై నాగచైతన్య హీరోగా విక్రమ్ కుమార్ దర్శకత్వంలో నాగార్జున ఓ సినిమా నిర్మించనున్నాడు. ప్రస్తుతం “సవ్యసాచి” షూటింగ్ లో బిజీగా ఉన్న నాగచైతన్య.. ఆ సినిమా అనంతరం విక్రమ్ కుమార్ సినిమా మొదలెట్టానున్నాడు.
