తమిళ నటుడు విక్రమ్ ప్రభుతో నిక్కి గల్రానీ రొమాన్స్ చేయనుందని కోలీవుడ్ వర్గాలు అంటున్నాయి. నూతన దర్శకుడు అశోక్ తెరకెక్కించనున్న ఈ చిత్రం జూలై 11 నుంచి సెట్స్ పైకి వెళ్లనుండగా.. ఈ చిత్ర మొదటి షెడ్యూల్ చెన్నై పరిసర ప్రాంతాల్లో జరగనుంది.
థ్రిల్, యాక్షన్, ఎంటర్ టైన్మెంట్ అన్నీ కలగలసిన చిత్రమని, ఈ చిత్ర కథ కాస్త విభిన్నమైందని నిక్కి అంటోంది. ఈ చిత్రానికి సంబంధించిన పూర్తి వివరాలు త్వరలోనే వెల్లడయ్యే అవకాశం ఉంది. ప్రస్తుతం నిక్కి గల్రానీ..రాఘవ లారెన్స్ సరసన మొట్ట శివ కెత్త శివ చిత్రంలో నటిస్తుండగా.. ‘వీర శివాజీ’ చిత్రంలో నటిస్తూ విక్రమ్ ప్రభు బిజీగా ఉన్నాడు.
