టాలీవుడ్ టాప్ హీరోల్లో ఎప్పటికప్పుడు రేస్ లో ఉండే పేరు ప్రిన్స్ మహేష్ బాబు. టాలీవుడ్ ఎంపరర్ గా ఎదుగుతున్న ప్రిన్స్ వరుస హిట్స్ తో దూసుకుపోతున్నాడు. హీరోగానే కాకుండా తాజాగా నిర్మాణ రంగాలో సైతం అడుగుపెట్టి , తొలి సినిమా ‘శ్రీమంతుడు’తో భారీ హిట్ అందుకోవడమే కాకుండా ఆ సినిమాతో ఒక కొత్త ఒరవడికి శ్రీకారం చుట్టాడు.
ఇదిలా ఉంటే….తాజాగా ప్రముఖ దర్శకుడు శ్రీకాంత్ అడ్డాల దర్శకత్వంలో ప్రిన్స్ నటిస్తున్న బ్రహ్మోత్సవం సినిమా తనకు చాలా ప్రత్యేకం అని ప్రిన్స్ చెప్పాడు…ఇంతకీ ఎందుకంత ప్రత్యేకం అంటే…అంగరంగా వైభవంగా జరిగిన బ్రహ్మోత్సవం ఆడియో వేడుకలో ప్రిన్స్ మాట్లాడుతూ…ఇప్పటివరకూ తన ఇంటికి, సెట్స్ పైకి మాత్రమే పరిమితమమైన తన గారాలపట్టి సితార… తొలిసారిగా ఓ పబ్లిక్ ఫంక్షన్ కు హాజరుకావడం. అది కూడా బ్రహ్మోత్సవం ఆడియో ఫంక్షన్ లో మెరవడం…మహేశ్ కు ఆనందాన్ని కలిగించింది. అందుకే తన ఆనందాన్ని తన అభిమానులు, ప్రేక్షకులతో పంచుకుంటూ…తన కూతురు సితార తొలిసారిగా ఈ పబ్లిక్ ఫంక్షన్ కు వచ్చిందని… కాబట్టి బ్రహ్మోత్సవం సినిమా తనకు కలకాలం గుర్తుండిపోతుందని తన మదిలోని ఆనందాన్ని తెలిపాడు. ఇక ఈ సినిమా మే 20వ థియేటర్స్ లోకి వస్తుంది అని రిలీస్ డేట్ ను ప్రిన్స్ అనౌన్స్ చేశాడు. మరి సీతమ్మ వాకిట్లో సిరిమల్లె చెట్టులాగా ఈ సినిమా కూడా భారీ హిట్ కావాలని కోరుకుందాం.
