మెగాస్టార్ చిరంజీవి నటించిన ‘ఆచార్య’ సినిమా పలుమార్లు వాయిదా పడి ఫైనల్ గా ఫిబ్రవరి 4న ప్రేక్షకుల ముందుకు రావడానికి సిద్ధమైంది. దీంతో ఆ సమయానికి రావాలనుకున్న సినిమాలు వారం వెనక్కి జరిగి రిలీజ్ డేట్ ను ప్రకటిస్తున్నాయి. అయితే హీరో సూర్య మాత్రం మెగాస్టార్ తో పోటీకి రంగంలోకి దిగుతున్నారు. గత రెండేళ్లలో సూర్య నటించిన సినిమాలు ఓటీటీలో విడుదలయ్యాయి. ‘ఆకాశం నీ హద్దురా’, ‘జై భీమ్’ సినిమాలు ఓటీటీలో విడుదలైనా భారీ విజయాన్ని అందుకున్నాయి.
అయితే తన తదుపరి సినిమా ‘ఎత్తర్కుమ్‌ తునింధవన్‌’ సినిమాను మాత్రం థియేటర్లో రిలీజ్ చేయడానికి సిద్ధమవుతున్నారు. పాండిరాజ్ డైరెక్ట్ చేసిన ఈ సినిమా రిలీజ్ డేట్ ను తాజాగా అనౌన్స్ చేశారు. ప్రపంచ వ్యాప్తంగా 2022 ఫిబ్రవరి 4న థియేటర్లలో విడుదలకానుందని ట్విట్టర్ వేదికగా వెల్లడించారు. సూర్య సినిమాలను తెలుగులో కూడా డబ్ చేసి రిలీజ్ చేస్తుంటారు. ఇప్పుడు ఈ సినిమాను కూడా డబ్ చేయబోతున్నారు. కానీ చిరుతో పోటీ అంటే..
థియేటర్లు దొరకడం కష్టమే. చిరు-రామ్ చరణ్-కొరటాల శివ కాంబినేషన్ కావడంతో ‘ఆచార్య’పై భారీ అంచనాలు నెలకొన్నాయి. ఆ సినిమాతో పోటీగా సూర్య తన సినిమాను రిలీజ్ చేయబోతున్నారు. కనీసం సూర్య సినిమాకి తెలుగులో థియేటర్లైనా దొరుకుతాయో లేదో..!
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
