నాని హీరోగా ‘మళ్ళీ రావా’ ఫేమ్ గౌతమ్ తిన్ననూరి డైరెక్షన్లో ‘జెర్సీ’ చిత్రం ఈ సమ్మర్లో ప్రేక్షకుల ముందుకు రానుంది. ఇదిలా ఉండగా తన 24 వ చిత్రాన్ని విక్రమ్ కుమార్ డైరెక్షన్లో చేయబోతున్నాడు. తాజాగా ఆ చిత్రానికి ‘గ్యాంగ్ లీడర్’ అనే టైటిల్ ను కూడా ఖరారు చేసారు. ఈ చిత్రంలో ‘ఆర్.ఎక్స్.100’ ఫేమ్ కార్తికేయ విలన్ గా నటిస్తుండడం విశేషం. ఈ చిత్రాన్ని ఆగస్టు 29 న విడుదల చేయడానికి చిత్ర యూనిట్ ప్లాన్ చేస్తున్నట్టు తెలుస్తుంది.
ఇదిలా ఉండగా శర్వానంద్ – సమంత కాంబినేషన్లో రాబోతున్న’96’ రీమేక్ ను కూడా ఆగస్టులోనే విడుదల చేయాలని ఈ చిత్ర ప్రొడ్యూసర్ అయిన దిల్ రాజు ప్లాన్ చేస్తున్నట్టు తెలుస్తుంది. తమిళ్ లో బ్లాక్ బస్టర్ హిట్ గా నిలిచిన ’96’ రీమేక్ కోసం తెలుగు ప్రేక్షకులు ఎంతగానో ఎదురుచూస్తున్నారు. ఇక నాని – విక్రమ్ కుమార్ కాంబినేషన్ కాబట్టి ‘గ్యాంగ్ లీడర్’ పైన కూడా భారీ అంచనాలున్నాయి. స్వతహాగా నాని .. శర్వానంద్ మంచి స్నేహితులన్న సంగతి తెలిసిందే. అయినప్పటికీ వీరిద్దరి మధ్య పోటీ తప్పేలా లేదు. మరి చివరికి ఏం జరుగుతుందో చూడాలి…!
