“సినిమా రంగంలోకి రావాలని, మంచి టీమ్ కోసం ఎప్పటి నుంచో ప్రయత్నిస్తున్నాను. ఇప్పటికి సెట్ అయ్యింది. ఇకపై కంటిన్యూస్ గా సినిమాలు తీస్తాను” అంటున్నారు నూతన నిర్మాత కమలేష్ కుమార్. తన మిత్రులు రాహుల్ అగర్వాల్ – హరీష్ చండక్ ల భాగస్వామ్యంతో “చాహత్ ప్రొడక్షన్స్” పేరుతో నిర్మాణ సంస్థను నెలకొల్పిన కమలేష్ “సిల్క్ శారీ” పేరుతో పలు భాషల్లో ఓ రొమాంటిక్ థ్రిల్లర్ ను తెరకెక్కిస్తున్నారు. మల్టీ లింగ్యుల్ డైరెక్టర్ టి.నాగేందర్ ఈ చిత్రానికి దర్శకత్వం వహిస్తున్నారు. తెలుగు, హిందీ, తమిళ, మలయాళ, కన్నడ భాషల్లో ఏకకాలంలో నిర్మాణమవుతున్న ఈ చిత్రం షూటింగ్ కార్యక్రమాలు దాదాపు పూర్తి కావచ్చాయి. ఏడాదికి కనీసం రెండు బహు భాషా చిత్రాలు నిర్మించాలనే దృఢ సంకల్పంతో ప్రణాళికాబద్ధంగా ముందుకు సాగుతున్న “కమలేష్ కుమార్” పేరు రెండు తెలుగు రాష్ట్రాల్లోని ఎలక్ట్రికల్స్ అండ్ ఎలక్ట్రానిక్స్ వ్యాపారస్తులందరికీ సుపరిచితమే. ఈ రంగంలో “కమలేష్ ఏజన్సీ” అంటే ఒక బ్రాండ్. ఒక నమ్మకం. తన మిత్రులు “రాహుల్ అగర్వాల్ – హరీష్ చండక్”ల ప్రోత్సాహంతో “చాహత్ ప్రొడక్షన్స్” బ్యానర్ పేరు ఇండియా లెవెల్ లో మారుమ్రోగేలా చేయడమే తన లక్ష్యంగా పెట్టుకున్నానని ప్రకటిస్తున్న కమలేష్ కుమార్… ఈ ప్రయత్నంలో ఏమేరకు సఫలీకృతం అవుతారో వేచి చూడాల్సిందే!!
