వరుస పరాజయాలతో కాస్త ఢీలా పడిన అల్లు అర్జున్ ఈసారి కమర్షియల్ ఫార్మాట్ కి దూరంగా రిస్క్ చేయడానికి రెడీ అవుతున్నాడు. “నా పేరు సూర్య” ఫ్లాపవ్వడంతో బన్నీ చాలా గ్యాప్ తీసుకొన్నాడు. ఎట్టకేలకు విక్రమ్ కుమార్ దర్శకత్వంలో ఒక పోలిటికల్ థ్రిల్లర్ చేసేందుకు సమ్మతించాడనుకోండి అది వేరే విషయం. అయితే.. ఇప్పుడప్పుడే ఆ ప్రొజెక్ట్ స్టార్ట్ చేసే ఆలోచనలో అల్లు అర్జున్ లేదట. కొన్నాళ్లపాటు ఫ్యామిలీతో హాలీడేస్ ఎంజాయ్ చేయాలనుకొంటున్నాడు. అందుకే తన భార్యాపిల్లలతో హాలీడే ట్రిప్పులు వేస్తూ ఎంజాయ్ చేస్తున్నాడు. వాళ్ళ హాలీడే ట్రిప్ ఫోటోస్ ప్రస్తుతం వైరల్ అవుతున్నాయి.
ఇకపోతే.. అల్లు అర్జున్ తమ బ్యానర్ నుంచి వచ్చిన తాజా చిత్రమైన “గీత గోవిందం”ను ప్రమోట్ చేస్తున్న తీరు అందర్నీ ఆశ్చర్యపరుస్తుంది. కుదిరితే ఒక త్వరలోనే “వేదం” తరహాలో ఒక మల్టీస్టారర్ సినిమాలోనూ అల్లు అర్జున్ నటించనున్నాడనే కథనాలు కూడా వినిపిస్తున్నాయి. అయితే.. ఈ కథనాల విషయంలో క్లారిటీ రావాలంటే మాత్రం అల్లు బాబు హాలీడే ట్రిప్ కంప్లీట్ చేసుకొని రావాల్సిందే.
