ఒక పక్క బాబాయ్ బాలకృష్ణ ఇండస్ట్రీలో తన తోటి హీరో అయిన పవన్ కళ్యాణ్ ఎవరో తెలియదు అని, అతని స్టేట్ మెంట్స్ గురించి కామెంట్ చేసి అతడ్ని హీరో చేయలేనని మెగా హీరో పవన్ కళ్యాణ్ పై విరుచుకుపడుతుంటే.. మరోపక్క అబ్బాయ్ ఎన్టీయార్ అదే మెగా ఫ్యామిలీ హీరో అయిన రామ్ చరణ్ తో కలిసి నటించేందుకు సన్నద్ధమవుతుండడం ప్రస్తుతం పరిశ్రమలో చర్చనీయాంశంగా మారింది. బాలయ్య-పవన్ కళ్యాణ్ మధ్య ప్రస్తుతం పచ్చగడ్డి వేస్తే బగ్గుమనే స్థాయి గొడవలు జరుగుతున్నాయి. అవి రాజకీయపరమైనవే అయినా వారి అభిమానులు ఒకరిపై ఒకరు సోషల్ మీడియాలో దుమ్మెత్తిపోసుకొంటున్నారు. అయితే.. బాలయ్య విషయంలో పవన్ కళ్యాణ్ ఇప్పటివరకూ ఎలాంటి నెగిటివ్ స్టేట్ మెంట్ ఇవ్వకపోవడం ప్లస్ పాయింట్.
అయితే.. ఒకే కుటుంబంలోని వ్యక్తులు మరో కుటుంబంలోని వ్యక్తులతో ఒకరు స్నేహాన్ని, మరొకరు వైరాన్ని పెంచుకొంటుండడం ఇక్కడ గమనించాల్సిన విషయం. ఆల్రెడీ మెగా ఫ్యామిలీ ఫ్యాన్స్ రెండు వర్గాలుగా చీలిపోయారు, అయితే.. నందమూరి ఫ్యాన్స్ మాత్రం ఇప్పుడిప్పుడే మళ్ళీ కలుస్తున్నారు. కానీ.. ఈ పరిణామాల వల్ల మళ్ళీ నందమూరి అభిమానుల్లో చీలిక ఏర్పడే అవకాశాలు ఎక్కువగా ఉన్నాయి. అయితే.. తెలుగుదేశం పార్టీని రిప్రెజంట్ చేస్తున్న బాలయ్య, జనసేనకి నాయకత్వం వహిస్తున్న పవన్ కళ్యాణ్ ల నడుమ మాటల యుద్ధం అనేది ఆపడానికి వీలు లేని విషయం. అలాగే.. రామ్ చరణ్-ఎన్టీయార్ ల కాంబినేషన్ సినిమాది కూడా అదే పరిస్థితి. అందువల్ల.. ఈ కాంబినేషన్స్ వల్ల అభిమానులు కొట్టుకోకుండా కలిసిమెలిసి ఉంటారా లేక పోలిటికల్ వార్స్ ను దృష్టిలో పెట్టుకొని ఎప్పట్లానే ఫ్యాన్ వార్స్ కంటిన్యూ చేస్తారా అనేదానికి మాత్రం కాలమే సమాధానం చెప్పాలి.
