ఘర్షణ సినిమాలో పవర్ ఫుల్ పోలీస్ ఆఫీసర్ గా అదరగొట్టిన విక్టరీ వెంకటేష్ .. ఈ సారి “బాబు .. బంగారం” మూవీ లో నవ్వులు పూయించే పోలీస్ గా కనిపించనున్నారు. దాసరి మారుతి దర్శకత్వం వహిస్తున్న ఈ చిత్రం షూటింగ్ గతేడాది డిసెంబర్ లో మొదలయింది. ఉగాదికి పోస్టర్ లాంచ్ చేసినప్పుడు చిత్ర నిర్మాతలు నాగ వంశి, రాధా కృష్ణ లు బాబు బంగారాన్ని జూలై 1 న విడుదల చేస్తామని చెప్పారు. కాని హీరోయిన్ నయనతార తమిళ సినిమాల్లో బిజీగా ఉండడంతో ఆమె డేట్లను అడ్జస్ట్ చేయలేక పోయారు.
దీంతో జూలై 7 న రిలీజ్ చేయాలని భావించారు. ఆ రోజు కూడా విడుదల అయ్యే సూచనలు కనిపించడం లేదు. టాకీ పార్ట్ మొత్తం పూర్తి చేసుకున్న బంగారం నిన్న (మే 13) మిగిలిన రెండు పాటల కోసం స్పెయిన్ కు వెళ్ళాడు. ఈ షూటింగ్ ఎంత తొందరగా పూర్తి అవుతుందో దానిని బట్టి రిలీజ్ డేట్ ఫిక్స్ అవుతుందని చిత్ర యూనిట్ తెలిపింది. అయితే ఫిలిం నగర్ లో “బాబు .. బంగారం” సినిమా రిలీజ్ గురించి వేరే విధంగా మాట్లాడు కుంటున్నారు. సౌత్ ఇండియా సూపర్ స్టార్ రజని కాంత్ చిత్రం “కబాలి” రిలీజ్ అనుకోకుండా జూన్ నుంచి జూలై 1 కి పోస్ట్ పోన్ కావడంతో చిక్కు వచ్చి పడిందని అంటున్నారు. రజనీ తో పోటీ ఎందుకని వెనక్కి వెళ్లినట్లు సమాచారం.
