మళయాళ స్టార్ హీరోయిన్.. దిలీప్ మాజీ భార్య మంజు వారియర్ కి ప్రస్తుతం ఊహించని చిక్కొచ్చింది. దాదాపు ఏడాదిన్నర క్రితం ఓ ప్రాంతానికి పర్యటన చేసింది మంజు. అక్కడ స్థానికంగా నివాసం ఉండే 57 ఏళ్ళ వయసుబడిన కొందరికి పక్కా ఇల్లులు కట్టిస్తానని మాటిచ్చింది. దీంతో స్లమ్ లో ఉంటూ ఇబ్బంది పడుతున్న ప్రజలందరూ మంజు వారియర్ ప్రకటనతో ఎంతో సంతోషించారు. ఇక మంజు ఇలా ప్రకటించి 18 నెలలు దాటింది అయినప్పటికీ ఇప్పటివరకూ ఒక్క ఇటుక కూడా పడింది లేదని వారు ఆందోళన చెందుతున్నారు.
ఈ క్రమంలో ఆ ప్రాంతానికి చెందిన ప్రజలంతా మంజు వారియర్ ఇంటి ముందు దర్నాకు దిగడానికి సిద్దమవుతున్నారట. ఇక ఇల్ల నిర్మాణం కోసం మంజు ఇప్పటికే ప్రభుత్వంతో చర్చలు జరిపినప్పటికీ పనులు మొదలవ్వకపోవడం.. ఏంటి అంటూ వారు ప్రశ్నిస్తున్నారు. మాటిచ్చి ఇప్పుడు నా వల్ల కాదంటే.. మంజు వారియర్ ను వదలమంటూ వారు హెచ్చరిస్తునారు. మంజు ఇలా మాటివ్వకుండా ఉండుంటే కనీసం ప్రభుత్వమయినా.. మాకు పక్కా ఇల్లు కట్టించేదని మంజు వల్లే అలా జరుగలేదని వారు చెప్పుకొస్తున్నారు. ఇక ఈ సమస్యని ఫిబ్రవరి 13వ తేదీ లోగా పరిష్కరించకుంటే.. మంజు ఇంటి ముందు దర్నాకు దిగుతామని వారు హెచ్చరించారు. మంజు ఇలా ప్రకటించింది కేవలం పుబ్లిసిటీ కోసమేనా.. లేక దీని వెనుక మరేదైనా కుట్ర ఉందా… ? అంటూ కొందరు అనుమానం కూడా వ్యక్తం చేస్తున్నారు. ఏదేమైనప్పటికీ మంజు మాత్రం అనవసరంగా.. ఈ విషయంలో చిక్కుకున్నట్టయ్యింది.
