తమిళ స్టార్ హీరో సూర్య కథానాయకుడిగా “రంగం” ఫేమ్ కె.వి.ఆనంద్ దర్శకత్వంలో ఒక సినిమా మొదలైన విషయం తెలిసిందే. ఈ చిత్రంలో సాయేషా సైగల్ కథానాయికగా నటిస్తుండగా.. అల్లు శిరీష్ ఓ ప్రధాన పాత్రలో నటించబోతున్నట్లు సినిమా ప్రారంభోత్సవానికంటే ముందే ప్రకటించారు. అల్లు శిరీష్ కూడా గర్వంగా ఈ విషయాన్ని పలుమార్లు తన ట్విట్టర్ ఎకౌంట్ ద్వారా వెల్లడించాడు. కట్ చేస్తే.. “సూర్య సినిమా నుంచి నేను తప్పుకొంటున్నాను, నా మరో చిత్రం “ఎబిసిడి” చిత్రం డేట్స్ సూర్య సినిమా షెడ్యూల్ తో క్లాష్ అవుతుండడమే అందుకు కారణం” అని గత శుక్రవారం క్లారిటీ ఇచ్చాడు అల్లు శిరీష్. ఈ విషయాన్ని ఎవరు పెద్ద సీరియస్ గా పట్టించుకోలేదు అది వేరే విషయం అనుకోండి.
అయితే.. తాజా సమాచారం ప్రకారం సూర్య సినిమా నుంచి అల్లు శిరీష్ తప్పుకోలేదని, తప్పించారని ఇండస్ట్రీ వర్గాల టాక్. ఇటీవల అల్లు శిరీష్ ఇచ్చిన ఆడిషన్ డైరెక్టర్ కె.వి.ఆనంద్ కి నచ్చలేదని, సినిమాలో చాలా కీలకమైన ఆ పాత్రకు అల్లు శిరీష్ సరిగా న్యాయం చేయలేడనిపించి అల్లు అరవింద్ కు చెప్పి చాలా సున్నితంగా ఈ మేటర్ ను సెటిల్ చేశారట. మరి ఈ వార్తలో నిజమెంత అనేది తెలియాల్సి ఉంది.
