“రూలర్” అనే టైటిల్ కి, బాలయ్యకి ఎందుకో మొదటి నుంచీ సింక్ అవ్వడం లేదు. అప్పట్లో “లెజండ్” సినిమాకి తొలుత “రూలర్” అనే టైటిల్ అనుకొన్నారు, ఆ తర్వాత “లయన్, జైసింహా” చిత్రాల టైమ్ లోనూ రూలర్ అనే టైటిల్ వార్తల్లోకి వచ్చినప్పటికీ ఎందుకో ఆ టైటిల్ మాత్రం ఫిక్స్ అవ్వలేదు. ఎట్టకేలకు బాలయ్య తనకు “జైసింహా”తో సూపర్ హిట్ ఇచ్చిన కె.ఎస్.రవికుమార్ తో చేస్తున్న తాజా చిత్రానికి “రూలర్” అనే టైటిల్ నిర్ణయించనున్నారని తెలుస్తోంది. ఇది మరి ఫైనల్ అవుతుందో లేదోననే అనుమానం నందమూరి అభిమానుల్లో ఉంది.
అయితే.. “రూలర్” అనే టైటిల్ ను బాలయ్య ఒకే చేయకపోవడానికి కారణం అప్పట్లో బోయపాటి ఈ టైటిల్ ను జూనియర్ ఎన్టీఆర్ ను దృష్టిలో పెట్టుకొని రిజిష్టర్ చేయించడమేనని కొందరు వ్యాఖ్యానిస్తున్నారు. అయితే.. కె.ఎస్.రవికుమార్ రాసుకున్న తాజా కథకి “రూలర్” అనే టైటిల్ కరెక్ట్ గా సరిపోతుంది కాబట్టి ఈసారి బాలయ్య ఈ టైటిల్ ను ఫైనల్ చేస్తారేమో చూడాలి.
