టాలీవుడ్ టాప్ స్టార్స్ లో అల్లు అర్జున్ కూడా ఒకడు అనడంలో ఏమాత్రం సందేహించాల్సిన పనిలేదు. అయితే అదే క్రమంలో మెగాస్టార్ చరిష్మా నుంచి బయటపడి తనకంటూ సొంత ఫ్యాన్ బేస్ ను ఏర్పాటు చేసుకున్నాడు మన స్టైలిష్ స్టార్. ఇదిలా ఉంటే వటుస హిట్స్ తో ఇండస్ట్రీ రికార్డుల దుమ్ము దులుపుతున్న స్టైలిష్ స్టార్ తాజాగా మన గబ్బర్ సింగ్ హరీష్ శంకర్ దర్శకత్వంలో డీజె, దువ్వాడ జగన్నాధం సినిమా చేస్తున్న విషయం తెలిసిందే. ఇప్పటికీ ఈ సినిమా సాంగ్ టీజర్ అందరినీ ఆకట్టుకుంటూ ఉండగా, ఇప్పుడు ఈ సినిమా ఆడియో, అటుపై ప్రీ రిలీజ్ ఫంక్షన్ పై ఫోకస్ పెట్టాడు దర్శకుడు హరీష్ శంకర్. అయితే అసలు విషయం ఏమిటి అంటే, ఈ ప్రీ రిలీజ్ ఫంక్షన్ డేట్ అయితే ఇంకా ఫిక్స్ కాలేదు కానీ, వచ్చే నెలలో సినిమా రిలీజ్ కి 10రోజుల ముందు ఉంటుంది అన్నది కన్ఫర్మ్.
అయితే ప్రీ రిలీజ్ ఫంక్షన్ దగ్గర పడేకొద్ది డైరెక్టర్ హరీష్ శంకర్ కు టెన్షన్ పట్టుకుంది. దానికి కారణం ఏంటి అంటే పర్సనల్ గా పవన్ కి వీరాభిమాని అయిన హరీష్ శంకర్ ‘గబ్బర్ సింగ్’ లాంటి ఇండస్ట్రీ హిట్ ఇచ్చినందుకు హరీష్ మీద కూడా పవన్ ఫాన్స్ కు మంచి అభిప్రాయం ఉంది. దీనితో పవన్ అభిమానులు ఏమైనా అల్లరి ఆ ప్రీ రిలీజ్ ఫంక్షన్ రోజున చేస్తే అది కంట్రోల్ చేయటం ఎలా అని ఇప్పటి నుంచే హరీష్ శంకర్ మధన పడుతున్నట్లుతెలుస్తోంది. దీనికితోడు పవన్ అభిమానులను సంతృప్తి పరచాలని ఒకవేళ పవన్ ప్రస్తావనను ఈ ప్రీ రిలీజ్ ఫంక్షన్ లో తీసుకువస్తే బన్నీకి కోపం కలిగిస్తుంది అని హరీష్ శంకర్ భయం అని టాక్. మొత్తంగా చూసుకుంటే పాపం హరీష్ పరిస్థితి చూస్తూ ఉంటే ముందు నుయ్యి, వెనుక గొయ్యి అన్నట్లుగా తయారయ్యింది. మరి ఈ విషయంలో హరీష్ ఎలా రియాక్ట్ అవుతాడో, అసలు ఏం చేస్తాడో చూడాలి.
Also, do SUBSCRIBE to our YouTube channel to get latest Tollywood updates.
