“గ్యాంగ్ లీడర్” అనే టైటిల్ లోనే ఒక మాస్ అప్పీల్ ఉంది. అప్పట్లో విజయ బాపినీడు దర్శకత్వంలో తెరకెక్కిన ఈ చిత్రం ఇండస్ట్రీ రికార్డులు సృష్టించడమే కాక.. చిరంజీవికి తిరుగులేని మాస్ ఇమేజ్ ను తెచ్చిపెట్టింది. ఆ తర్వాత చిరంజీవిని ఆయన అభిమానులందరూ ముద్దుగా “గ్యాంగ్ లీడర్” అని పిలుచుకునేవారు. ఆ తర్వాత ఆ టైటిల్ ను ఎవరూ పెట్టడానికి కనీసం సాహసం చేయలేదు.. కారణం ఆ టైటిల్ ఉన్న మాస్ ఇమేజ్. అలాంటిది నాని లాంటి క్లాస్ హీరో మరో క్లాస్ డైరెక్టర్ అయిన విక్రమ్ కుమార్ దర్శకత్వంలో నటిస్తున్న సినిమాకి “గ్యాంగ్ లీడర్” అనే టైటిల్ ను ఫైనల్ చేయడం చర్చనీయాంశం అయ్యింది.
చిరంజీవి అభిమానులైతే.. ఆ క్లాస్ సినిమాకి “గ్యాంగ్ లీడర్” అనే టైటిల్ ఏ యాంగిల్లో అయినా సింక్ అవుతుందా అని ప్రశ్నిస్తుండగా.. ఇంకొందరు సినిమా ఫ్యాన్స్ మాత్రం నాని అనవసరంగా రిస్క్ చేస్తున్నాడేమో అని విశ్లేషణలు వెల్లడిస్తున్నారు. అంటే.. “జెంటిల్మన్” అనే క్లాసిక్ టైటిల్ తో హిట్ కొట్టాడు కాబట్టి “గ్యాంగ్ లీడర్”కి కూడా అదే రిజల్ట్ రిపీటవుతుంది అని అనుకొంటే మాత్రం పొరపాటే అవుతుంది. మరి ఈ సినిమా రిజెల్ట్ ఏమవుతుందో చూడాలి.
