బాలయ్య అంటేనే ఒక మాస్ ఎలిమెంట్. సినిమా రిజల్ట్ తో సంబంధం లేకుండా కేవలం బాలయ్య మాస్ డైలాగ్స్, ఫైట్స్ & డ్యాన్స్ కోసం థియేటర్ కి వచ్చే జనాలు కోకొల్లలు. అందుకే.. బాలయ్య సినిమా చేస్తున్నాడంటే ఆ సినిమా టైటిల్ మొదలుకొని ట్రైలర్, సినిమా అన్నిట్లో మాస్ ఎలిమెంట్స్ పుష్కలంగా ఉండేలా జాగ్రత్తపడతారు దర్శకనిర్మాతలు. అలాంటి బాలయ్య తాజా చిత్రం టైటిల్ లో మాస్ ఎలిమెంట్స్ అనేవి కనిపించకపోవడం గమనార్హం.
“జై సింహా” అనంతరం కె.ఎస్.రవికుమార్ దర్శకత్వంలో మరో సినిమా చేయనున్న బాలయ్య ఈ సినిమా కోసం “క్రాంతి” అనే టైటిల్ ను ఫైనల్ చేసినట్లు సమాచారం, సంక్రాంతి, 2020కి విడుదలవ్వనున్న ఈ చిత్రం కథ ముందు అనుకొన్నట్లు రాజకీయ నేపధ్యంలో కాక ఫ్యామిలీ ఎంటర్ టైనర్ గా రూపొందనుంది. మరి ఈ సింపుల్ టైటిల్ ను బాలయ్య ఒప్పుకొన్నా.. జనాలు యాక్సెప్ట్ చేస్తారా లేదా అనేది తెలియాలంటే ఇంకొన్నాళ్లు వేచి చూడాల్సిందే.
