“బిగ్ బాస్” షో హోస్ట్ చేయడానికి ముందు వచ్చిన “కృష్ణార్జున యుద్ధం” ఫ్లాప్ అవ్వడం, షో ద్వారా సోషల్ మీడియాలో అనవసరంగా నెగిటివ్ అయిపోవడం, బిగ్ బాస్ షో ఎఫెక్ట్ తాజాగా విడుదలైన “దేవదాస్” మీద పడడంతో నాని ఒక్కసారిగా డౌన్ అయిపోయాడు. పైకి ఎంత నిబ్బరంగా కనిపిస్తున్నా.. లోలోపల చాలా బాధపడుతున్నాడు. అందుకే.. తన మనసుకి నచ్చిన “జెర్సీ” ప్రొజెక్ట్ మీద తప్ప మిగతా విషయాలను పెద్దగా పట్టించుకోవడం లేదట. అన్నిటికంటే ముఖ్యంగా తన వద్దకు వచ్చే దర్శకులు రొటీన్ స్టోరీ వినిపిస్తుంటే.. నిర్మొహమాటంగా “చేయను” అని చెప్పేస్తున్నాడట. దాంతో మొన్నటివరకు ఏడాదికి నాలుగైదు సినిమాలు రిలీజ్ చేసే నాని వచ్చే ఏడాది రెండు సినిమాలకి మించి రిలీజ్ చేయలేడని స్పష్టమవుతోంది.
అలాగే.. దిల్ రాజు నిర్మాణంలో తమిళంలో సూపర్ హిట్ అయిన “96” రీమేక్ లో నటించాలన్న ఆఫర్ విషయంలోనూ పునరాలోచనలో ఉన్నాడట నాని. ముఖ్యంగా ఈ సినిమా తెలుగు రీమేక్ లోనూ త్రిష కథానాయికగా నటించబోతోందని టాక్ రావడంతో.. ఇప్పుడు ఈ రీమేక్ లో నటించే అవకాశాన్ని ప్రస్తుతానికి పక్కన పెట్టాడట. “జెర్సీ” పూర్తయ్యాకే నాని తదుపరి సినిమాల విషయంలో ఒక క్లారిటీ వచ్చేలా ఉంది.
