పవన్ కళ్యాణ్ ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్నారు. అజ్ఞాతవాసి అనే టైటిల్ అనుకుంటున్న ఈ మూవీ షూటింగ్ దాదాపు పూర్తి కావచ్చింది. హారిక అండ్ హాసిని బ్యానర్లో రాధాకృష్ణ నిర్మిస్తున్న ఈ చిత్రం సంక్రాంతికి రిలీజ్ కానుంది. ఇందులో పవన్ సాఫ్ట్ వేర్ ఇంజినీర్ గా నటిస్తున్న సంగతి తెలిసిందే. అయితే దీని తర్వాత ‘కందిరీగ’ సినిమా ఫేమ్ సంతోష్ శ్రీనివాస్ తో సినిమా చేయనున్నారు. తమిళంలో విజయ్ చేసిన ‘తేరీ’ సినిమాకి ఇది రీమేక్ అని అందరూ చెప్పుకుంటున్నారు.
సంతోష్ శ్రీనివాస్ టీమ్ మాత్రం ఇది రీమేక్ కాదని స్పష్టం చేసింది. ఇందులో పవన్ పోలీస్ ఆఫీసర్ గా కనిపిస్తారని వెల్లడించింది. గతంలో కొమురం పులి, గబ్బర్ సింగ్, సర్ధార్ గబ్బర్ సింగ్ సినిమాల్లో ఖాకీ చొక్కాలో అదరగొట్టారు. మళ్ళీ మరో సారి పోలీస్ అధికారిగా పవర్ చూపించనున్నారు. ఈ చిత్రం గురించి అధికారిక ప్రకటన జనవరిలో రానుంది. మైత్రి మూవీ మేకర్స్ వారు ఈ చిత్రాన్ని నిర్మించనున్నట్లు టాక్.
