రకరకాల వివాదాల తర్వాత ఎట్టకేలకు విడుదల కాబోతుంది అమలా పాల్ నటించిన ‘ఆమె’ చిత్రం. ఈరోజు (జూలై 19న) విడుదల కావాల్సిన ఈ చిత్రం మార్నింగ్ షో లు రద్దయ్యాయి. సాయంత్రం 6 గంటల నుండీ షో లు ప్రదర్శితమవుతాయని సమాచారం. ఇదిలా ఉంటే… అమలా పాల్ నగ్న పోస్టర్ల పై మహిళలు తీవ్రంగా విరుచుకుపడుతున్నారు. యువతని, పిల్లల్ని తప్పు దారి పట్టించే ఇలాంటి చిత్రాలు తెలుగు రాష్ట్రాల్లో విడుదల కానివ్వొద్దంటూ నిరసనకు దిగారు. అమలా పాల్ ను అలాగే ఆమె చిత్రం దర్శకనిర్మాతలను వారు తిట్టిపోశారు.
అంతేకాదు అమలా పాల్ నగ్నంగా ఉన్న ‘ఆమె’ చిత్రం పోస్టర్లని తగలపెడుతూ సంచలనం సృష్టించారు. ‘ఆడవాళ్ళ గురించి ఎటువంటి మెసేజ్ లు ఇవ్వాలని ఇలాంటి సినిమాలు తీస్తున్నారు. ఏమైనా అంటే కథ డిమాండ్ చేసిందని చెబుతున్నారు. 15 మంది మగాళ్ల ముందు నగ్నంగా నటించానని అమలాపాల్ చెబుతోంది. అది నా ఎక్స్ ప్రెషన్ అంటోంది. ఏంటి నీ ఎక్స్ ప్రెషన్? అయినా అదేం క్రియేటివిటీ? ఇంత దిక్కుమాలిన క్రియేటివిటీని ఎలా చూపించగలుగుతున్నారు? తమ్మారెడ్డి అంతటి పెద్దాయన ఇలాంటి సినిమాని ఎలా విడుదల చేస్తున్నారు?’ అంటూ ఓ రేంజ్లో విరుచుకుపడుతున్నారు.
