ప్రశాంత్ నీల్ దర్శకత్వంలో కన్నడ స్టార్ హీరో యశ్ హీరోగా నటిస్తున్న తాజా చిత్రం ‘కేజీఎఫ్’. ఇప్పటికే విడుదలైన ట్రైలర్లతోఈ చిత్రం మంచి హైప్ ను సొంతం చేసుకుంది. శ్రీనిధి శెట్టి హీరోయిన్‌గా నటిస్తుంది. అంతే కాదు స్పెషల్ సాంగ్ లో తమన్నా కనిపిస్తుండడం విశేషం. తాజాగా ఈ చిత్రం సెన్సార్ కార్యక్రమాలు పూర్తి చేసుకుంది.
ఈ చిత్రంలో ఎటువంటి కట్స్ లేకుండా సెన్సార్ బోర్డు వారు యూ/ఏ సర్టిఫికెట్ ను జారీ చేయడం విశేషం. సెన్సార్ రిపోర్ట్ ప్రకారం ఈ చిత్ర కథ, స్క్రీన్ ప్లే, యశ్ నటన ప్రత్యేక ఆకర్షణగా నిలుస్తాయట. ఇక ఈ చిత్ర నిడివి,పరిచయం లేని నటులు, సంగీతం వంటివి మైనస్ పాయింట్స్ గా చెప్పుకోవచ్చు. అయితే బ్యాక్ గ్రౌండ్ స్కోర్ మరియు డైలాగులు అద్భుతంగా ఉన్నాయని సమాచారం. తెలుగులో ఈ చిత్రాన్ని ‘వారాహి చలన చిత్ర సంస్థ’ పై సాయి కొర్రపాటి రిలీజ్ చేస్తున్నారు. డిసెంబర్ 21న తెలుగు, కన్నడతో పాటు హిందీ భాషాలలో ఏక కాలంలో విడుదల కాబోతోంది
