మన స్టార్ హీరోలే ఒకసారి ఫెయిల్ అయిన జోనర్ లో మరో సినిమా చేయడానికి జంకుతారు. కుదిరితే ఆ జోనర్ సినిమా చేయకుండా ఉండడానికి ప్రయత్నిస్తారు. కానీ.. తమన్నా మరి రెమ్యూనరేషన్ కు మాత్రమే వేల్యూ ఇస్తుందో లేక వచ్చిన ప్రతి సినిమా ఒప్పుకుంటుందో తెలియదు కానీ.. ఆల్రెడీ రెండుసార్లు ఫెయిలైన హారర్ కామెడీ జోనర్ లో మరో సినిమా సైన్ చేసింది. “కాంచన” తర్వాత హారర్ కామెడీ జోనర్ లో అదే స్థాయి సక్సెస్ రేట్ సొంతం చేసుకొన్న సిరీస్ “రాజుగారి గది”. ఇప్పుడు ఈ సినిమాకి మూడో పార్ట్ గా “రాజు గారి గది 3” రూపొందనుంది.సెకండ్ పార్ట్ లో నాగార్జున హీరోగా నటించగా.. ఈ మూడో భాగంలో ఫస్ట్ పార్ట్ లో హీరోగా నటించిన అశ్విన్ హీరోగా నటిస్తున్నాడు.
ఈ మూడో భాగంలో కథానాయికగా తమన్నా నటిస్తోంది. ఇవాళ ప్రారంభోత్సవం జరుపుకొన్న ఈ చిత్రానికి ముందు తమన్నా నటించిన మునుపటి హారర్ కామెడీ మరియు థ్రిల్లర్ జోనర్ సినిమాలైన “అభినేత్రి 2, ఖామోషీ” దారుణంగా విఫలమయ్యాయి. అయినా కూడా తమన్నా మళ్ళీ అదే హారర్ జోనర్ లో సినిమా చేస్తుండడం వెనుక కారణం ఏమిటనేది ఎవరికీ అర్ధం కానీ విషయం. మరి ఈ సినిమాతోనైనా తమన్నాకి హిట్ దక్కుతుందో లేదో చూడాలి.
