ఇండస్ట్రీలో కమెడియన్ గా ఓ వెలుగు వెలిగిన సునీల్ హీరోగా టర్న్ తీసుకున్నాడు. ‘అందాల రాముడు’, ‘మర్యాద రామన్న’ లాంటి సినిమాలు అతడికి విజయాన్ని తీసుకురావడంతో హీరోగా కంటిన్యూ అయ్యాడు. కానీ నిలదొక్కుకోలేకపోయాడు. ఆయన నటించిన సినిమాలన్నీ ప్లాప్ అవుతుండడంతో హీరోగా అవకాశాలు తగ్గాయి. ఈ క్రమంలో మళ్లీ కమెడియన్ గా మారాడు. కానీ తన కామెడీతో ప్రేక్షకులను మెప్పించలేకపోతున్నాడు. కమెడియన్ గానే కాకుండా విలన్ గా, క్యారెక్టర్ ఆర్టిస్ట్ గా కూడా కొన్ని సినిమాలు చేశాడు.
‘డిస్కోరాజా’, ‘కలర్ ఫోటో’ లాంటి సినిమాల్లో విలన్ గా కనిపించి షాక్ ఇచ్చాడు సునీల్. ప్రస్తుతం అల్లు అర్జున్-సుకుమార్ కాంబినేషన్ లో తెరకెక్కుతోన్న ‘పుష్ప’ సినిమాలో కీలకపాత్రలో నటిస్తున్నారు. అయితే తాజాగా సునీల్ ఇన్స్టాగ్రామ్ లో పెట్టిన పోస్ట్ వైరల్ అవుతోంది. రెడ్ కలర్ లో ఉన్న ఫోటోని షేర్ చేస్తూ.. ‘రెడ్ అలెర్ట్’ అని క్యాప్షన్ ఇచ్చాడు సునీల్. తన తదుపరి సినిమాల అప్డేట్స్ కోసం ఎదురుచూడండి అంటూ అభిమానులకు చెప్పారు.
అయితే ఈ అప్డేట్ దేనికి సంబంధించిందనే విషయంలో చర్చలు జరుగుతున్నాయి. కొందరేమో ‘పుష్ప’ అప్డేట్ ఏమైనా ఇస్తారేమో అని ఆశపడుతున్నారు. కానీ ఇది తన కొత్త సినిమాకి సంబంధించిన అప్డేట్ అని తెలుస్తోంది. బహుశా టైటిల్ ‘రెడ్ అలెర్ట్’ అయి ఉండొచ్చు. మరి దీనిపై సునీల్ క్లారిటీ ఇస్తారేమో చూడాలి!
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్Actor Sunil, Comedian Sunil, Sunil
