దివంగత నటుడు ఉదయ్ కిరణ్ హీరోగా నటించిన ‘నువ్వు నేను’ చిత్రంతో టాలీవుడ్ కు పరిచయమయ్యింది అనిత. ఆ తరువాత అదే హీరోతో ‘శ్రీరామ్’ చిత్రంలో కూడా నటించింది. అటుతరువాత ‘తొట్టి గ్యాంగ్’ ‘అదంతే అదో టైపు’ ‘నేనున్నాను’ వంటి చిత్రాలలో నటించినా పెద్దగా గుర్తింపు రాలేదు. దీంతో బాలీవుడ్ కు చెక్కేసింది ఈ భామ. అక్కడ కూడా పెద్దగా ఆఫర్లు రాకపోవడంతో రియాలిటీ షోలు, సీరియల్స్‌లలో నటించి పాపులర్ అయ్యింది. ఈ క్రమంలో నటుడు రోహిత్ రెడ్డి తో ఏర్పడిన పరిచయం కాస్త ప్రేమగా మారడంతో పెళ్ళి చేసుకుంది.
ప్రస్తుతం హిందీ సీరియల్స్‌తో బిజీగా ఉన్న ఈ భామ ఇటీవలే ప్రెగ్నెంట్ అని, కవలలకు జన్మనివ్వబోతుందని వార్తలు వచ్చాయి. ఈ విషయాన్ని స్పష్టం చేస్తూ తాజాగా అనిత తన బేబీ బంప్‌తో కూడిన ఫొటోలను షేర్ చేసింది. అనిత తన సోషల్ మీడియా అకౌంట్‌ లలో ఈ ఫొటోలను షేర్‌చేసి ‘నేను ఫేక్ బేబీ బంప్‌తో ఫొటో షేర్ చేశాను. ఇక రియల్ బేబీ బంప్‌తో పాటు ఫొటో షేర్ చేస్తే ఎలావుంటుందో మరి’ అంటూ కామెంట్ పెట్టింది. ఇదిలా ఉండగా… ఇటీవల అనిత భర్త రోహిత్‌రెడ్డి కూడా ఓ వీడియోను షేర్ చేస్తూ అనిత ప్రెగ్నెన్సీ విషయాన్ని తెలియజేసాడు. అనిత కవలలకు జన్మనివ్వబోతుందని ఇందులో పేర్కొన్నాడు.అయితే ఇదంతా నిజం కాదండోయ్… ‘నాగిని 3’ అనే షూటింగ్లో ఇదో ఎపిసోడ్. ఇక త్వరలోనే రియల్ బేబీకి కూడా ఇలా జన్మనివ్వాలని కోరుకుంటున్నట్టు తెలిపింది.
