‘రుక్మిణి ఎవరండీ.. రుక్మిణీ పాత్రలో చేసేది ఎవరండి?’ అంటూ నిన్న ‘అలియాస్ రుక్మిణి’ సినిమా టీమ్‌ ఒక వీడియో రిలీజ్‌ చేసింది చూసే ఉంటారు. అందులో హీరోయిన్ ఎవరు అనేది చెప్పలేదు కానీ.. హీరోయిన్ గురించి ఈ రోజు చెబుతాం అని చెప్పారు. దీని కోసం ఓ కాన్సెప్ట్ వీడియో కాన్సెప్ట్‌ను వాడేసుకున్నారు. వీడియో అంతా బాగుంది.. సినిమా అప్‌డేట్‌లు లేవు అంటూ గత కొన్ని రోజులుగా వస్తున్న విమర్శలను తిప్పికొట్టేలా ఉంది.
సినిమా టీమ్‌ ఆ హీరోయిన్ ఎవరో చెప్పే ముందే ఆ హీరోయిన్ ఎవరో టాలీవుడ్‌ వర్గాల్లో ఓ లీక్‌ వినిపిస్తోంది. ఈ సినిమా కోసం నాని.. బాలీవుడ్ నుండి ఓ యంగ్ హీరోయిన్‌ని తీసుకొస్తున్నాడు అని సమాచారం. ‘అలియాస్ రుక్మిణి’ సినిమాలో నటిస్తున్నది టాలీవుడ్‌లో ఇప్పటికే ఎస్టాబ్లిష్డ్ అయిన హీరోయిన్ కాదు. కొత్తమ్మాయిని తీసుకొస్తున్నారు. ఆమెనే ఆఫియా సయ్యద్. బాలీవుడ్ సీనియర్‌ ప్రొడ్యూసర్ సాజిద్ నడియాడ్‌వాలా మేనకోడలు అని సమాచారం.
‘ప్రేమలు’ సినిమా హిందీ రీమేక్ ‘ప్రేమ్ కీతను’తో బాలీవుడ్లోకి అడుగుపెట్టింది. ఇప్పుడు ‘అలియాస్ రుక్మిణీ’ సినిమాతో టాలీవుడ్‌లో అడుగుపెడుతోంది అని చెబుతున్నారు. ఈ మేరకు ఈ రోజు ఓ అఫీషియల్‌ వీడియోను రిలీజ్‌ చేస్తారు. తొలి సినిమాతోనే బాలీవుడ్‌లో ఇంట్రెస్టింగ్ హీరోయిన్ అనిపించుకున్న అఫియా సయ్యద్.. తెలుగులో ఎలాంటి మార్క్‌ వేస్తుందో చూడాలి. కొన్ని నెలల ముందే మొదలైన ఈ సినిమాను డిసెంబరు 4న విడుదల చేయబోతున్నట్లు ఇటీవలే అనౌన్స్‌మెంట్ కూడా ఇచ్చేశారు.
గత కొన్నేళ్లుగా ఎలాంటి సినిమా తీసినా నితిన్‌కి ఆశించినంత స్పందన రాకపోవడంతో ఈ సినిమా విషయంలోనూ అలానే ఉంటుంది అనే మాట వినిపించింది. కానీ కథానాయకుడు నాని నిర్మాణంలో ‘దండోరా’ ఫేమ్‌ మురళీకాంత్ దర్శకత్వంలో ఈ సినిమా వస్తుండటంతో ఈ సినిమా మీద ప్రేక్షకులు, ఇండస్ట్రీ వర్గాల్లో బాగానే ఆసక్తి కనిపిస్తోంది. ప్రచారం కూడా వైవిధ్యంగా ఉండటంతో సినిమా మీద అంచనాలు పెరుగుతున్నాయి.
