బాలయ్య బోయపాటి శ్రీను కాంబినేషన్ లో తెరకెక్కిన అఖండ సినిమా 2021 సంవత్సరం డిసెంబర్ నెలలో విడుదలై ప్రేక్షకులను ఆకట్టుకుంది. ఈ సినిమా 70 కోట్ల రూపాయల బడ్జెట్ తో తెరకెక్కితే 80 కోట్ల రూపాయల రేంజ్ లో కలెక్షన్లను సొంతం చేసుకుంది. ఈ సినిమా శాటిలైట్, డిజిటల్ హక్కులు కూడా భారీ రేటుకు అమ్ముడయ్యాయి. అయితే ఈ సినిమా విడుదలైన సమయంలో అఖండ మూవీని హిందీలో రిలీజ్ చేసి ఉంటే బాగుండేదని కామెంట్లు వినిపించాయి.
అయితే కరోనా సమయంలో ఈ సినిమా విడుదల కావడంతో ఆ సమయంలో ఈ సినిమాను హిందీలో విడుదల చేయడానికి మేకర్స్ కూడా ఆసక్తి చూపలేదు. అయితే ప్రస్తుతం ఈ సినిమాను హిందీలో రిలీజ్ చేసే దిశగా అడుగులు పడుతుండటం గమనార్హం. ఈ నెల 20వ తేదీన బాలీవుడ్ ఇండస్ట్రీలో అఖండ మూవీ రిలీజ్ కానుంది. పెన్ స్టూడియోస్ సంస్థ నిర్వాహకులు ఈ సినిమాను హిందీలో రిలీజ్ చేస్తున్నారు. తాజాగా అఖండ హిందీ వెర్షన్ ట్రైలర్ కూడా రిలీజ్ కాగా అఖండ హిందీ ట్రైలర్ కు ప్రేక్షకుల నుంచి మంచి రెస్పాన్స్ వస్తోంది.
హిందీ ఆడియన్స్ కు అఖండ నచ్చితే మాత్రం ఈ సినిమా కలెక్షన్లు ఊహించని స్థాయిలో పెరుగుతాయని చెప్పవచ్చు. అఖండ మూవీ హిందీలో ఏ రేంజ్ లో సంచలనాలు సృష్టిస్తుందో చూడాల్సి ఉంది. భారతీయ సినీ ప్రేక్షకులు కచ్చితంగా చూడాల్సిన సినిమాలలో అఖండ ఒకటని కొంతమంది కామెంట్లు చేస్తున్నారు. అఖండ సినిమా హిందీ కలెక్షన్లతో 100 కోట్ల రూపాయల షేర్ కలెక్షన్లను సొంతం చేసుకున్న జాబితాలో చేరే అవకాశం అయితే ఉందని కామెంట్లు వినిపిస్తున్నాయి.
అఖండ సినిమా రిలీజై హిందీలో సంచలన విజయాన్ని అందుకుంటే బాలయ్య తర్వాత సినిమాలకు కూడా రికార్డ్ స్థాయిలో బిజినెస్ జరిగే అవకాశాలు ఉండటంతో పాటు బాలయ్య సినిమాలు హిందీలో కూడా విడుదలయ్యే అవకాశాలు ఉంటాయి.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
