‘పుష్ప’ సినిమాలో అల్లు అర్జున్ ఎంత కీలకమో.. లారీ కూడా అంతే కీలకం. ఇదేంటి.. లారీనా? అని అనుకుంటున్నారా? కావాలంటే మీరు ఓసారి సినిమాను మైండ్‌లో రివైండ్‌ చేసుకోండి.. బన్నీ కనిపించినప్పుడు చాలాసార్లు లారీ ఆ ఫ్రేమ్‌లో ఉంటుంది. పాటల్లో కూడా లారీని చూడొచ్చు. అంతటి ప్రత్యేకమైన లారీ బన్నీకి ఇటీవల గిఫ్ట్‌గా వచ్చింది. ఎవరు ఇచ్చారనుకుంటున్నారో.. ఇంకెవరు జూనియర్‌ బన్నీ అదేనండీ అల్లు అయాన్. ఈ విషయాన్ని అల్లు అర్జున్ సోషల్‌ మీడియాలో షేర్‌ చేసుకున్నాడు.
‘పుష్ప’ సినిమాలో ఉన్న లారీ లాంటి చిన్న బొమ్మను అల్లు అయాన్ బన్నీకి ఇచ్చాడు. ఆ లారీ బొమ్మను అల్లు అర్జున్ షేర్‌ చేస్తూ.. ‘‘నా ప్రాణం, నా చిన్నిబాబు అయాన్ ఇచ్చిన క్యూట్‌ గిఫ్ట్‌’ అంటూ ట్వీట్‌ చేశాడు బన్నీ. దీంతో ఆ ఫొటో ఇప్పుడు వైరల్‌గా మారింది. లారీ బొమ్మ అయితే బ్లూ, ఆరెంజ్‌, గ్రీన్‌ కలర్స్‌తో అదిరిపోయింది అని చెప్పాలి. ఆ బొమ్మలో ‘పుష్ప’ అని కూడా రాశారు.
అయితే ఇప్పుడు ఆ గిఫ్ట్‌ ఎందుకు ఇచ్చాడు అనే విషయం మాత్రం బన్నీ చెప్పలేదు. అయినా తండ్రీకొడుకుల మధ్య గిఫ్ట్‌లకు కారణాలు ఉండాలా చెప్పండి. ఇక 2021 ఆఖరులో ‘పుష్ప’తో వచ్చిన అల్లు అర్జున్ గతేడాది పూర్తిగా రాలేదు. ఈ ఏడాది ఆఖరులో కానీ, వచ్చే ఏడాది ప్రథమార్ధంలో కానీ ‘పుష్ప 2’తో రావాలని అనుకుంటున్నారు. ప్రస్తుతం ఈ సినిమా షూటింగ్‌ వివిధ ప్రాంతాల్లో జరుగుతోంది. బాలీవుడ్‌లోనూ ‘పుష్ప’రాజ్‌ అదరగొట్టడంతో ‘పుష్ప: ది రైజ్‌’ స్క్రిప్ట్‌కు మరిన్ని మెరుగులు దిద్ది రంగంలోకి దిగారు దర్శకుడు సుకుమార్‌.
అందుకే చాలా రోజులు గ్యాప్‌ వచ్చింది. ‘పుష్ప 2’ షూటింగ్‌ ఇప్పటికే థాయిలాండ్‌లో ఒక షెడ్యూల్‌ పూర్తి చేసుకుంది. ప్రస్తుతం తెలుగు రాష్ట్రాల్లోనే షూటింగ్‌ జరుపుకుంటోంది. ‘పుష్ప’లోని నటించిన రష్మిక మందన, అనసూయ, సునీల్‌, ఫహాద్‌ ఫాజిల్‌, ధనుంజయతో పాటు కొత్త పాత్రలను రెండో భాగంలోకి సుకుమార్‌ తీసుకున్నారట. వాళ్లెవరు అనేది సినిమా విడుదలకు ముందు అనౌన్స్‌ చేస్తారని సమాచారం.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
