పాన్ ఇండియా బాక్సాఫీస్ను షేక్ చేసిన ఐకాన్ స్టార్ అల్లు అర్జున్ (Allu Arjun) క్రేజ్ ఇప్పుడు పీక్స్లో ఉంది. ‘పుష్ప’ ‘పుష్ప 2’ వంటి బ్లాక్బస్టర్స్ తర్వాత బన్నీ మార్కెట్, రెమ్యునరేషన్ రేంజ్ అమాంతం పెరిగిపోయాయి. ఇప్పుడు సినిమాలతోనే కాకుండా, తన లగ్జరీ లైఫ్స్టైల్తోనూ ఈ పుష్పరాజ్ ఇండస్ట్రీలో హాట్ టాపిక్గా మారాడు. ప్రస్తుతం హైదరాబాద్లో ఈ హీరో నిర్మిస్తున్న ఓ భారీ డ్రీమ్ మ్యాన్షన్ (ఇల్లు) డీటెయిల్స్ నెట్టింట ట్రెండింగ్గా మారాయి.
హైదరాబాద్లోని మోస్ట్ ప్రీమియం ఏరియా జూబ్లీహిల్స్లో బన్నీ తన కొత్త ఇంటిని నిర్మిస్తున్నాడు. ఏకంగా 4 వేల చదరపు గజాల విశాలమైన స్థలంలో దీని నిర్మాణం జరుగుతోంది. మెగాస్టార్ చిరంజీవి ఇంటికి అతి సమీపంలోనే ఈ ఇల్లు ఉండటం విశేషం. ఇంటర్నేషనల్ ఆర్కిటెక్చర్తో, మోడ్రన్ డిజైన్స్తో రూపుదిద్దుకుంటున్న ఈ ప్యాలెస్ కోసం బన్నీ ఏకంగా రూ. 80 కోట్లు ఖర్చు చేస్తున్నట్లు ఫిల్మ్ నగర్ టాక్. ఇందులో ప్రైవేట్ థియేటర్, జిమ్, స్విమ్మింగ్ పూల్, హై-ఎండ్ సెక్యూరిటీ సిస్టమ్ లాంటి లగ్జరీ ఫీచర్స్ అన్నీ ఉండబోతున్నాయి.
ప్రస్తుతం ఫైనల్ స్టేజ్లో ఉన్న ఈ ఇంట్లోకి.. ఈ ఏడాది చివర్లో బన్నీ ఫ్యామిలీ గృహప్రవేశం చేయనుందట.ఇదిలా ఉంటే.. బన్నీ పర్మనెంట్గా ముంబైకి షిఫ్ట్ అయిపోతున్నాడంటూ కొద్దిరోజులుగా బాలీవుడ్ మీడియాలో రూమర్స్ చక్కర్లు కొడుతున్నాయి. కానీ, అందులో ఎలాంటి నిజం లేదని ఇన్సైడ్ సోర్సెస్ క్లారిటీ ఇచ్చాయి. బ్లాక్ బస్టర్ డైరెక్టర్ అట్లీతో బన్నీ ‘రాకా’ అనే పాన్ ఇండియా ప్రాజెక్ట్ చేస్తున్న సంగతి తెలిసిందే.
ఈ సైన్స్ ఫిక్షన్ యాక్షన్ థ్రిల్లర్ షూటింగ్ కోసమే బన్నీ టెంపరరీగా ముంబై వెళ్లారు. అక్కడ తన తండ్రి అల్లు అరవింద్తో కలిసి ఉంటున్న బన్నీ.. ఆ షెడ్యూల్ ముగియగానే తిరిగి హైదరాబాద్ వచ్చేస్తారట.ఇక ‘రాకా’ మూవీ ఫస్ట్ లుక్ పోస్టర్లో బన్నీని ఓ పవర్ ఫుల్ బీస్ట్ లాంటి క్యారెక్టర్లో చూపించబోతున్నట్టు దర్శకుడు అట్లీ రివీల్ చేశాడు. ఈ సినిమాతో అల్లు అర్జున్ మరో పాన్ ఇండియా సెన్సేషన్ క్రియేట్ చేయడం గ్యారెంటీ అని ఫ్యాన్స్ ఫిక్స్ అయిపోయారు.
