ఒకరు స్టార్ హీరో, ఇంకొకరు స్టార్ అవుతున్న హీరో… ఇద్దరి మధ్య పోటీ. ఇలాంటివి టాలీవుడ్‌లో మనం చాలా చూశాం. అయితే అది సినిమాల వరకే. ఇద్దరి సినిమాలు ఒకేసారి విడుదలైతే ఎవరు హిట్‌ కొడతారు అనేది అభిమానులు, ప్రేక్షకులు ఆసక్తిగా ఎదురుచూస్తుంటారు. ఇప్పుడు టాలీవుడ్‌లో ఇలాంటి ఇద్దరు హీరోల మధ్య ఆసక్తికర పోటీ నడుస్తోంది. అయితే అది సినిమాల్లో కాదు, ఇన్‌స్టాగ్రామ్‌లో. అవును.. ఇన్‌స్టాగ్రామ్‌లో ఫాలోవర్ల సంఖ్య విషయంలోనే ఈ పోటీ. ఇందులో ప్రస్తుతానికి స్టార్ అవుతున్న హీరో పైచేయి సాధించి ఉన్నాడు.
పైన చెప్పిందంతా అల్లు అర్జున్‌, విజయ్‌ దేవకొండ గురించి అని మీకు తెలిసే ఉంటుంది. ఈ ఇద్దరికీ సోషల్‌ మీడియాలో మంచి ఫాలోయింగే ఉంది. ఇన్‌స్టాగ్రామ్‌లో అయితే సుమారు 12 మిలియన్ల మంది ఫాలోవర్లు ఉన్నారు. అయితే ఇంకా డీప్‌గా చూస్తే ఇద్దరి మధ్య లక్ష మంది అనుచరుల గ్యాప్‌ ఉంది. బన్నీ కంటే రౌడీనే ఆ లక్ష మెజారిటీ చూపిస్తున్నాడు. దీంతో ఇదో ఆసక్తికరమైన పోటీగా మారింది. ఇద్దరి ఇమేజ్‌ యూత్‌ బేస్డ్‌ కావడంతో ఇన్‌స్టాలో పోటీ రంజుగా మారింది.
గురువారం ఉదయం 9 గంటల సమమయంలో అల్లు అర్జున్‌కు ప్రస్తుతం 11.7 మిలియన్ల మంది ఫాలోవర్లు, విజయ్‌ దేవరకొండకు 11.8 మిలియన్ల మంది ఫాలోవర్లు ఉన్నారు. రేపో ఎల్లుండో ఇద్దరూ 12 మిలియన్ల మార్క్‌కి చేరుకుంటారు. అయితే ఎవరు ముందు చేరుకుంటారు అనేదే ఇక్కడ ఆసక్తికరం అంశం. ట్రెండ్‌ చూస్తుంటే విజయ్‌ ముందు రీచ్‌ అయ్యేలా ఉన్నాడు. ఆ వెంటనే బన్నీ వచ్చేస్తాడనుకోండి. అయితే ఈ ‘ఇన్‌స్టాగ్రామ్‌ ప్రీమియర్‌ లీగ్‌ ’ సూపర్‌ ఉంది కదా.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
