యంగ్ టైగర్ ఎన్టీఆర్ ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ అనే భారీ మల్టీస్టారర్ మూవీలో నటిస్తున్నాడు. చరణ్ మరో హీరోగా నటిస్తున్న ఈ చిత్రంలో ఎన్టీఆర్.. కొమరం భీమ్ పాత్రలో కనిపించనున్నాడు. ఇక ఈ చిత్రం తరువాత ఎన్టీఆర్.. త్రివిక్రమ్ డైరెక్షన్లో సినిమా చేయబోతున్నట్లు అనౌన్స్ చేసాడు. కానీ ఆ ప్రాజెక్టు ప్రస్తుతానికి హోల్డ్ లో పడింది. దాంతో కొరటాల శివతో తన తదుపరి సినిమా చేయడానికి రెడీ అయ్యాడు ఎన్టీఆర్. ఈ మధ్యనే అధికారిక ప్రకటన కూడా వచ్చింది.
ఇది ఎన్టీఆర్ కు 30వ చిత్రం కావడం విశేషం. గతంలో వీరి కాంబినేషన్లో వచ్చిన ‘జనతా గ్యారేజ్’ చిత్రం పెద్ద బ్లాక్ బస్టర్ అవ్వడమే కాకుండా ఎన్టీఆర్ కెరీర్లో బిగ్గెస్ట్ హిట్ గా కూడా నిలిచింది. దాంతో ఈ చిత్రం పై కూడా భారీ అంచనాలు నెలకొన్నాయి. పైగా ఇది పాన్ ఇండియా లెవల్లో రూపొందనుందట. ఇక ఈ చిత్రం కథ ప్రకారం.. ఎన్టీఆర్ స్టూడెంట్ లీడర్ గా కనిపిస్తాడు అని కొద్ది రోజులుగా ప్రచారం జరుగుతుంది.
అయితే ఎన్టీఆర్ పొలిటికల్ లీడర్ గా కనిపిస్తాడు అనేది తాజా సమాచారం. అంతేకాదు ఎన్టీఆర్ పొలిటికల్ ఎంట్రీ కి ఉపయోగపడేలా ఇందులో కొన్ని రాజకీయ అంశాలను జోడించబోతున్నాడట కొరటాల. తనకు రాజకీయాల పట్ల ఆసక్తి లేదని ఎన్టీఆర్ చెబుతున్నప్పటికీ.. ‘భవిష్యత్తులో తాతగారు స్థాపించిన పార్టీకి అండగా నిలబడాల్సిన బాధ్యత ఉంది’ అంటూ కొంతమంది అతనిని మోటివేట్ చేస్తున్నారని సమాచారం.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
