ఆనంద్ దేవరకొండ.. విజయ్ దేవరకొండ తమ్ముడిగా ఎంట్రీ ఇచ్చినప్పటికీ తన సొంత ట్యాలెంట్ తో అంచలంచలుగా ఎదుగుతున్నాడు. మొదటి సినిమా ‘దొరసాని’ అంతగా ఆడకపోయినా.. ఆనంద్ నటనకి మంచి మార్కులు పడకపోయినా.. రెండో సినిమా ‘మిడిల్ క్లాస్ మెలోడీస్’ తో మెప్పించాడు. ఆ మూవీ ఓటిటిలో రిలీజ్ అయ్యి హిట్ అయ్యింది. అటు తర్వాత ‘పుష్పకవిమానం’ అనే లవ్ స్టోరీలో నటిస్తూనే మరో పక్క గుహన్ దర్శకత్వంలో ‘హైవే’ అనే చిత్రాన్ని కంప్లీట్ చేసాడు. ఇప్పుడు మరో ఇంట్రెస్టింగ్ ప్రాజెక్టుని కూడా లైన్లో పెట్టేసాడు.
‘ఈరోజుల్లో’,’భలే భలే మగాడివోయ్’, ‘మహానుభావుడు’,’ప్రతిరోజు పండగే’ వంటి సక్సెస్ ఫుల్ చిత్రాలలో నిర్మాణ భాగస్వామిగా వ్యవహరించి…ఆనంద్ దేవరకొండ అన్నయ్య విజయ్ దేవరకొండ తో ‘టాక్సీవాలా’ వంటి హిట్ సినిమాని రూపొందించిన ఎస్. కె. ఎన్ నిర్మాణంలో ‘బేబీ’ అనే చిత్రాన్ని చేస్తున్నాడు. ట్యాలెంటెడ్ డైరెక్టర్ సాయి రాజేష్ ఈ చిత్రానికి దర్శకత్వం వహిస్తుండడం విశేషం. ఈ నెల 20 నుండీ ఈ చిత్రం షూటింగ్ ప్రారంభం కానుంది. విజయ్ బుల్గానిన్ సంగీతం అందిస్తున్న ఈ చిత్రానికి రామ్ రెడ్డి ఛాయాగ్రహణం అందిస్తుండగా….
‘100 పర్సెంట్ లవ్’, ‘వన్ నేనొక్కడినే’,’పుష్ప’ వంటి భారీ చిత్రాలకు పని చేసిన కార్తిక్ శ్రీనివాస్ ఈ చిత్రానికి కూడా ఎడిటర్ గా పనిచేస్తుండడం విశేషం. ఏమైనా ఆనంద్ దేవరకొండ ప్లానింగ్ బాగుంది. ఇలాగే ప్లాన్ చేసుకుంటే అతను కూడా క్రేజీ హీరోగా ఎదగడం గ్యారెంటీ అనే చెప్పాలి.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
