ఐకాన్ స్టార్ అల్లు అర్జున్ పుష్ప మూవీతో అల వైకుంఠపురములో సినిమాను మించిన బ్లాక్ బస్టర్ హిట్ సాధిస్తారని ఫ్యాన్స్ భావిస్తున్నారు. ఈ సినిమాలో అనసూయ కీలక పాత్రలో నటిస్తున్న సంగతి తెలిసిందే. రంగస్థలం సినిమాలో రంగమ్మత్త పాత్రలో నటించి మెప్పించిన అనసూయ పుష్ప మూవీలో సునీల్ భార్యగా ఊహించని లుక్ తో కనిపించనున్నారని తెలుస్తోంది. తాజాగా పుష్ప మూవీ గురించి మాట్లాడుతూ అనసూయ కీలక వ్యాఖ్యలు చేశారు. పుష్ప మూవీలోని తన పాత్ర జీవితంలోనే మెమరబుల్ రోల్ గా మిగులుతుందని అనసూయ పేర్కొన్నారు.
అయితే పాత్రకు సంబంధించిన ఇతర వివరాలను అనసూయ వెల్లడించలేదు. దర్శకుడు సుకుమార్ గురించి అనసూయ మాట్లాడుతూ ఆర్టిస్ట్ లను సుకుమార్ ఒక లెక్కలో చెక్కుతారని వెల్లడించారు. సుకుమార్ తన సినిమాలో ఎవరికీ రెండో ఛాన్స్ ఇవ్వరని కానీ తనకు ఛాన్స్ ఇవ్వడం లక్ గా భావిస్తానని అనసూయ పేర్కొన్నారు. గ్లామరస్ యాంకర్ గా బుల్లితెర షోలతో బిజీగా ఉన్న అనసూయ స్టార్ హీరోల సినిమాల్లో కీలక పాత్రలకు ఓకే చెబుతూ ఆ పాత్రల ద్వారా పాపులారిటీని పెంచుకుంటున్నారు.
పాన్ ఇండియా మూవీగా ఫారెస్ట్ బ్యాక్ డ్రాప్ లో ఈ సినిమా తెరకెక్కనుంది. ఫహద్ ఫాజిల్ ఈ సినిమాలో విలన్ గా నటిస్తున్నారు. సునీల్ ఈ సినిమాలో నెగిటివ్ షేడ్స్ ఉన్న పాత్రలో నటిస్తున్నారని వార్తలు వస్తుండగా ఆ వార్తలో నిజానిజాలు తెలియాల్సి ఉంది. డిసెంబర్ లో ఈ మూవీ రిలీజ్ కానుందని వార్తలు వస్తున్నాయి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
