‘రంగస్థలం’ సినిమా రామ్‌చరణ్‌కు ఎంత పేరు తెచ్చిందో అందరికీ తెలుసు. నటుడిగా చరణ్‌ను అంతెత్తున కూర్చోబెట్టింది. అదే సమయంలో ఆ సినిమా మరొకరికి కూడా పేరు తీసుకొచ్చింది. అమెనే అనసూయ. రంగమ్మత్తగా సినిమాలో అనసూయ అదరగొట్టింది. అప్పటివరకు అనసూయ అంటే అందాల ప్రదర్శనే అనుకునే ప్రేక్షకులు.. ఆమెను ‘రంగమ్మత్త’గా చూసి మురిసిపోయారు. ఇప్పడు మరోసారి అలాంటి పాత్ర మరొకటి చేయబోతుందని టాక్‌. ‘క్షణం’ సినిమాలోనూ అనసూయ మంచి పాత్రే చేసింది.
సీరియస్‌గా సాగే ఆ పాత్రను మరపిస్తూ ‘రంగస్థలం’లో రంగమ్మత్తగా మారిపోయింది అను. ఇప్పుడు ‘పుష్ప’లో అలాంటి మరో పాత్ర చేస్తోందట. అయితే తొలి సినిమా తరహా పాత్ర అయితే కాదు కానీ, అంతటి పేరు తెచ్చే పాత్ర అని మాత్రం తెలుస్తోంది. ‘పుష్ప’ షూటింగ్‌ కొవిడ్‌ మార్గదర్శకాలను అనుసరించి ప్రస్తుతం జరుగుతున్న విషయం తెలిసిందే. ఈ క్రమంలో ఇటీవల అనసూయ మీద కీలక సన్నివేశాలు చిత్రీకరించారట. అనసూయ పాత్ర తీరు మారినా.. విలేజ్‌ బ్యాక్‌డ్రాప్‌ అని మాత్రం స్పష్టం తెలిసిపోతుంది.
ఎందుకంటే ‘పుష్ప’ అడవులు, గ్రామాల నేపథ్యంలో సాగే సినిమా అని మనకు ముందే తెలుసు కాబట్టి. మరి అనసూయ ఇందులో ఎలా నటిస్తోంది, తెర మీద ఎలా కనిపించబోతోంది అనేది త్వరలో తెలుస్తుంది. కొవిడ్‌ పరిస్థితుల కారణంగా ఏ సినిమా ఎప్పుడు వస్తుందో తెలియదు కాబట్టి.. డేట్‌ కూడా చెప్పలేం.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
